نئی دہلی، 23فروری،دلی کے انڈین لا انسٹی ٹیوٹ اور قومی حقوق انسانی کمیشن نے ذرائع ابلاغ سے تعلق رکھنے والے افراد اور سرکاری تعلقات عامہ کے عہدیداروں کے لئے ’’ذرائع ابلاغ اور حقوق انسانی: مسائل اور چیلنج‘‘ کے عنوان سے ایک روزہ پروگرام کا انعقاد کیا۔ اس پروگرام میں تقریباً 50 سرکاری تعلقات عامہ کے عہدیداروں، میڈیا کے افراد، وکیلوں، ماہرین تعلیم اور طلبا نے شرکت کی۔
این ایم آر سی (پی اینڈ اے) کے جوائنٹ سکریٹری ڈاکٹر رنجیت سنگھ نے حقوق انسانی کے تحفظ اور فروغ سے متعلق میڈیا کے رول اور اس کے تاریخی پس منظر پر روشنی ڈالی۔ انہوں نے اپنے ان خیالات کا اظہار کیا کہ میڈیا عوام کی آواز ہے، میڈیا ایک حق اور اختیار ہے اور بلاشبہ یہ ایک ایسا وسیلہ ہے جس کے ذریعہ نوجوان محروم طبقے تک پہنچ سکتے ہیں۔
نئی دہلی میں انڈین لا انسٹی ٹیوٹ کے ڈائرکٹر پروفیسر (ڈاکٹر) منوج کمار سنہا نے، جو بین الاقوامی قانون اور حقوق انسانی کے ایک ممتاز ماہر ہیں، اس موضوع پر بین الاقوامی اور قومی پس منظر کے حوالے سے حقوق انسانی کے تحفظ اور اس کے فروغ میں میڈیا کے اثرات پر اظہار خیال کیا۔
ایک روزہ پروگرام کا انعقاد سوال جواب کے اجلاس پر ہوا جس میں شرکا اور ماہرین نے سرگرمی سے حصہ لیا۔
