نئی دہلی، مئی ۔پنشن یافتگان کو متعدد ای –خدمات فراہم کرانے والی تنظیم ایمپلائز پراویڈنٹ فنڈ آرگنائزیشن (ای پی ایف او ) نے ’’ امنگ ‘‘ (یوایم اے این جی ) ایپ کے ذریعہ ایک نئی سروس شروع کی ہے ۔ اس کے تحت اس ایپ پر ،’’ ویو پاس بک ‘‘ پر کلک کرتے ہی پنشن یافتہ کا پی پی او نمبر اور ان کی تاریخ پیدائش طلب کی جانے گی ۔ یہ دونوں اندراج کامیابی کے ساتط مکمل کرنے کے بعد پنشن یافتہ کے رجسٹرڈ موبائل نمبر ایک ون ٹائم پاسور ڈ (او ٹی پی ) بھیجا جائے گا ۔یہ او ٹی پی بھرنے کے بعد پنشن یافتہ کی پاس بک کی ، نام ،ڈی او بی جیسی تفصیلات اسکرین پر دکھائی دینے لگیں گی ،جس میں پچھلی بار پنشن بھیجے جانے کی تاریخ بھی شامل ہے ۔علاوہ ازیں مالی سا ل وار مکمل پاس بک کی تفصیلات بھی دستیاب ہوں گی۔
یوایم اے این جی کے ذریعہ دستیاب کرائی جانے والی ای پی ایف او کی دیگر خدمات میں ایمپلائز سینٹرک سروسز (ویو ای پی ایف پا س بک ) دعوے کی بنیاد اور دعوے کی نوعیت نیز ایمپلائیز سینٹرک سروسز ( متعلقہ ادارے کے ذریعہ جمع کرانی جانے والی رقم کی تفصیل ،آئی ڈی اور ٹی آرآر این ) کی خدمات شامل ہیں ۔علاوہ ازیں عام زمرے کی خدمات میں سرچ اسٹیبلشمنٹ ، سرچ ای پی ایف او آفس ، اپنے دعوے کی نوعیت اور آپ کی کھاتے کی تفصیل ایس ایم ایس پر فراہم کرائی جائے گی ۔علاوہ ازیں مسڈ کال کے جواب میں بھی کھاتے کی تفصیل پیش کی جائے گی ۔ مزید برآں جیون پرمان یعنی زندگی کے ثبوت کے تصدیق نامے کی تازہ کاری کی خدمات اور آدھار سے متعلق ای کے وائی سی خدمات بھی اس اسکیم کے تحت فراہم کرائی جائیں گی ۔
