نئی دہلی،بجلی اور نئی و قابل تجدید توانائی کے مرکزی وزیر اور ریاستوں کی قابل تجدید توانائی کی ایجنسیوں کی ایسوسی ایشن (ایریاز) کے سابقہ سرپرست جناب آر کے سنگھ نے آن لائن پلیٹ فارم کے ذریعے 27 اگست 2020 کو ایریاز کے چھٹے یوم تاسیس کی تقریب میں شرکت کی۔ انہوں نے ایریاز کی ویب سائٹ www.areas.org.in اور ایریاز کی ٹیلیفون ڈائریکٹری کی تعریف کی۔
قابل تجدید توانائی کے مستقبل کے بارے میں بات کرتے ہوئے جناب سنگھ نے کہا کہ قابل تجدید توانائی میں آج کفایت سعاری قابل عمل ہے ، لیکن زیادہ لاگت اس کو ذخیرہ کرنے پر آتی ہے۔ التبہ اس لاگت میں وقت گزرنے کے ساتھ ساتھ کمی آجائے گی۔ ہمیں مانگ کو بڑھا کر اور مینوفیکچرنگ کی مزید سہولیات پیدا کر کے ذخیرہ پر آنے والی لاگت کو کم کرنا چاہیے۔ اگر ایک بار ایسا ہو جاتا ہے تو قابل تجدید توانائی کی طرف تیزی سے پیش رفت ہوگی۔ میں دن رات قابل تجدید توانائی کے لیے آر پی او کی تجویز پیش کرتا ہوں ، جس سے ذخیرے کی حوصلہ افزائی ہوگی۔ ہمیں لوگوں میں بیداری پیدا کرنی ہوگی کہ اس سے بجلی پر آنے والے اخراجات کم ہو جائیں گے اور یہ ماحول کے لیے اچھی ہے۔ اس کے لیے وزارت ایریاز کے لیے اضافی فنڈ فراہم کر سکتی ہے۔ ایریاز کو قابل تجدید توانائی کے شعبے کے معاملات پر تبادلۂ خیال کے لیے کم سے کم ایک بار غور وخوض کا اجلاس بلانا چاہیے اور اس سلسلے میں ممکنہ اختراعی حل پیش کرنا چاہیے۔
ریاستوں کی قابل تجدید توانائی کی ایجنسیوں کی ایسوسی ایشن ایریاز ایم ایم آر ای قدم کے تحت تشکیل دی گئی ہے تاکہ ایک دوسرے کے تجربات سے سیکھا جا سکے اور اپنے بہترین طور طریقوں سے ایک دوسرے کو واقف کرایا جا سکے اور ٹکنالوجی اور اسکیموں / پروگراموں سے متعلق ایک دوسرے کو معلومات فراہم کی جا سکے۔ ایریاز کا رجسٹریشن 27 اگست 2014 کو سوسائیٹی رجسٹریشن ایکٹ 1860 کے تحت کیا گیا ہے۔
باہمی بات چیت کی اہمیت اور ایس این اے کے درمیان تجربات سے معلومات ایک دوسرے کو فراہم کرنے کی اہمیت پر غور کرتے ہوئے ایریاز کو نئے سرے سے تازہ کرنے کے اقدامات کیے گیے ہیں۔ پچھلے دو مہینوں کے دوران دو میٹنگیں / ورکشاپ کا انعقاد آن لائن پلیٹ فارم کے ذریعے کیا گیا ۔ ایریاز کی مناسب کارکردگی کے لیے ایریاز کی جنرل باڈی میں 30 جولائی 2020 کو منعقدہ میٹنگ میں نائب صدر اور ایگزیکٹیو کمیٹی کا انتخاب کیا۔
