نئی دہلی، ریاست چھتیس گڑھ نے 21-2020 کے لئے اپنا سالانہ ایکشن پلان وزارت جل شکتی کو غور اور منظوری کے لئے پیش کیا ہے۔ قابل ذکر یہ ہے کہ وزارت جل شکتی کے تحت شروع کردہ جل جیون مشن کا مقصد 2024 تک ملک کے ہر دیہی گھر کو مستقل اور طویل مدتی بنیاد پر مناسب مقدار میں پینے کے پانی کی فراہمی کرنا ہے۔ اس اسکیم کے لئے 3.60 لاکھ کروڑ روپے کا بڑا بجٹ مختص کیا گیا ہے۔
اس مشن کے تحت جو زندگی میں تبدیلی لائے گا ، ریاست چھتیس گڑھ نے 24-2023 تک 100 فیصد فعال نل کے پانی کے کنکشن (ایف ایچ ٹی سی) کی منصوبہ بندی کی ہے۔ ریاست میں 45 لاکھ گھروں میں سے 20 لاکھ گھروں کو نل کنیکشن فراہم کرنے کا منصوبہ ہے۔ گھروں کی مکمل کوریج کا منصوبہ بناتے ہوئے پانی کی قلت کے علاقوں ، کوالٹی سے متاثرہ علاقوں ، ایس سی / ایس ٹی غلبہ بستیوں / دیہات ،ایم پی آدرش گرام یوجنا دیہات کو ترجیح دی جارہی ہے۔ حکومت ہند نے 2020-21 میں ریاست میں جل جیون مشن کے نفاذ کے لئے 445 کروڑ روپئے کی رقم کی منظوری دی ہے۔
ریاست پانی کے معیار کی نگرانی اور معائنہ پر زور دے رہی ہے۔ چھتیس گڑھ کو کئی برسوں سے تیزی سے ختم ہونے والے زمینی پانی اور پانی میں آرسنک ، فلورائڈ ، آئرن وغیرہ کیمیائی آلودگی کا مسئلہ درپیش ہے۔ لہذا ، صورتحال کا جائزہ لیتے ہوئے ، ریاست کو ان بستیوں میں پینے کے صاف پانی کے انتظامات کو یقینی بنانے کا مشورہ دیا گیا۔ جل جیون مشن کے تحت ، برادری کی شمولیت کے ساتھ ساتھ فرنٹ لائن کارکنوں کی فعال شرکت کے ذریعے پانی کے معیار کی نگرانی پر زور دیا جارہا ہے۔ دیہی علاقوں میں پانی کی فراہمی کے معیار کو جانچنے کے لئے اسکول اور کالج کے طلبا کو فیلڈ ٹیسٹ کٹس کے استعمال کی ترغیب دی جارہی ہے۔
گاؤں کی سطح پر منصوبہ بندی کے لئے ، ہر گرام پنچایت میں ، جی پی یا ان کی ذیلی کمیٹی یعنی گاؤں کی پانی اور صفائی کی کمیٹیاں تشکیل دی گئی ہیں۔ دیہات کے لئے گاؤں کے عملی منصوبے چلائے گئے ہیں ، جس کی بنیاد پر ایکشن پلان کو حتمی شکل دے دی گئی ہے۔ ریاستی آبی وسائل کو مضبوط بنانے زیر زمین پانی کی سطح میں اضافہ ، گندے پانی کے انتظام وغیرہ سے متعلق کام کرنے کے لئے مہاتما گاندھی نیشنل رورل ایمپلائمنٹ گارنٹی اسکیم ,15 ویں فنانس کمیشن گرانٹ سے لے کر, دیہی بلدیاتی اداروں جیسے ایس بی ایم جیسے مختلف ذرائع سے رقوم اکٹھا کرنا کو یقینی بنا رہا ہے۔
کوویڈ 19 کی موجودہ صورتحال کے دوران ، حکومت کی یہ کوشش ہے کہ دیہی مکانات میں ترجیحی بنیادوں پر نل کنیکشن فراہم کیے جائیں ، تاکہ دیہی عوام کو عوامی اسٹینڈ پوسٹس سے پانی لانے اور لمبی قطار میں کھڑے ہونے کی پریشانی کا سامنا نہ کرنا پڑے۔ حکومت کا ارادہ ہے کہ معاشرے کے غریب اور پسماندہ افراد اپنے گھروں کے اندر نل کنیکشن کے ذریعہ پانی حاصل کریں اور اسٹینڈ پوسٹس پر جانے سے اجتناب کریں اور معاشرتی فاصلے کو یقینی بنائیں ، اس طرح دیہی معاشروں کو انفیکشن ہونے سے بچائیں۔
.اس وقت گرمی چل رہی ہے اور مون سون قریب آ رہا ہے اور ملک کوویڈ 19 میں وبائی بیماری کا شکار ہے جس کی وجہ سے اپنے آبائی دیہاتوں میں واپس آنے والے تارکین وطن مزدوروں کو معاش فراہم کرنا مزید ضروری ہو گیا ہے۔ یہ تارکین وطن مزدور بنیادی طور پر ہنر مند اور نیم ہنر مند ہیں ، ان کی خدمات کو دیہات میں موثر طریقے سے ہر گاؤں میں پانی کی فراہمی ، خاص طور پر پلمبنگ ، فٹنگ ، پانی کے تحفظ کے کام وغیرہ سے متعلق روزگار فراہم کرکے استعمال کیا جاسکتا ہے ، تاکہ دیہاتوں میں زمینی پانی کی مناسب دستیابی کو یقینی بنانا ، جس سے پانی کی حفاظت ، زراعت کے لئے پانی کی دستیابی اور سب سے اہم بات یہ ہے کہ ہر دیہی گھر کو پینے کے پانی کی فراہمی میں مدد ملے گی۔
