نئی دہلی، درج فہرست قبائل کے قومی کمیشن این سی ایس ٹی نے دہلی کے گولف کلب کے اندر درج فہرست قبائل سے تعلق رکھنے والی شمال مشرقی خطے کی ایک خاتون سے امتیاز برتنے کی ایک شکایت پر کلب کو ایک نوٹس جاری کیا ہے۔ این سی ایس ٹی نے کلب سے کہا ہے کہ وہ کمیشن کو اس الزام کے بارے میں حقائق اور معاملے کی اطلاع دینے کے علاوہ اس الزام کے سلسلے میں کی گئی کارروائی کے بارے میں سات دن کے اندر جواب دے۔
کمیشن نے خواتین کے لئے میگھالیہ ریاست کے کمیشن کی چیئرپرسن اور آسام کی سول سوسائٹی سے موصول ہوئی نمائندگی پر ایک نوٹس جاری کیا ہے۔ کمیشن نے ہندوستان کے آئین کی دفعہ 338 ۔ اے کے تحت اسے دیئے گئے اختیارات کے تناظر میں اس معاملے کی انکوائری/ تفتیش کرنے کا بھی فیصلہ کیا۔
نوٹس میں یہ کہا گیا ہے کہ اگر کمیشن کو مقررہ مدت کے اندر کلب سے کوئی جواب موصول نہیں ہوتا ہے تو وہ سول عدالتوں کے اختیارات کا استعمال کرسکتا ہے جو آئین کی دفعہ 338 ۔ اے کی شق 8 کے تحت اسے دیئے گئے ہیں اور وہ کلب کے عہدیداروں کو کمیشن کے سامنے ذاتی طور پر حاضر ہونے کے لئے سمن بھی جاری کرسکتا ہے۔
