قبائلی امورکے وزیرجناب ارجن منڈا نے ٹرائیفیڈ کے منیجنگ ڈائرکٹرجناب پراویرکرشنا اور دیگرسینئرافسروں کے ہمراہ 13ستمبر ، 2001 کو آسام کا اپنا دوروزہ دورہ کامیابی کے ساتھ مکمل کیا۔ مرکزی وزیرنے آج آسام انتظامیہ اسٹاف کالج میں ایک پریس کانفرنس سے بھی خطاب کیا۔ انھوں نے کہاکہ قبائلی امورکی وزارت ریاست میں قبائلی ترقی کے پروگراموں کے موثرنفاذ کے لئے عہدبستہ ہے اورانھوں نے یہاں قبائلی ترقی کو تیز کرنے کے لئے مستقبل کے منصوبوں سے بھی آگاہ کیا۔
میڈیا کے افراد سے خطاب کرتے ہوئے مرکزی وزیرنے بتایاکہ ان کی وزارت کی توجہ اس بات پرہے کہ مارکیٹنگ کے ذریعہ قبائلی اکثریتی علاقوں کی مجموعی ترقی پر زیادہ توجہ دی جائے اور ان کی نامیاتی اورقدرتی پروسیسنگ طریقہ کار کو برقراررکھتے ہوئے قومی اوربین الاقوامی سطح پرقبائلی اور نسلی مصنوعات کو فروغ دیاجائے ۔ انھوں نے کہاکہ قبائلی امورکی وزارت تقریبا 40وزارتوں کے ساتھ تال میل کررہی ہے اورملک میں قبائلی علاقوں کی ہمہ گیرترقی کے لئے ایک مربوط طریقہ کارکے ساتھ کا م کررہی ہے ۔ انھوں نے کہاکہ مزید 184ون دھن کیندرآسام میں قائم کئے جائیں گے ، جس کے بارے میں اتوار کو ریاست کے وزیر اعلیٰ کے ساتھ تبادلہ خیال ہواتھا۔
جناب منڈا نے یہ بھی بتایاکہ پردھان منتری آدرش گرام یوجنا کے لئے آسام کے 1700ماڈل گاوؤں کی نشاندہی کی گئی ہے ۔ انھوں نے یہ بھی بتایاکہ قبائلی رہائشی اسکول بھی ریاست میں قائم کئے جائیں گے ،جہاں 480قبائلی طلباء کو تعلیمی سہولتوں کے ساتھ ساتھ اسپورٹس میدان اساتذہ کے کوارٹرز اورگیسٹ ہاؤس کے ساتھ ہراسکول میں رکھنے کی گنجائش ہوگی ۔
مرکزی وزیرجناب ارجن منڈانے آسام کے اپنے دوروزہ دورے کے دوران گواہاٹی کے راج بھون میں آسام کے گورنرجناب جگدیش مکھی کے ساتھ بھی ملاقات کی ۔اپنی میٹنگ کے دوران وزیرموصوف اورگورنرنے ریاست میں قبائلی ترقیاتی سرگرمیوں کے تمام ترپہلوؤں پرتبادلہ خیال کیا ، خاص کر ایم ایف پی ، ون دھن یوجنا وغیرہ کے لئے ایم ایس پی کے نفاذ کے پروگراموں پرخصوصی طورپرگفتگوکی ۔ انھوں نے آسام میں صنعتوں اورقبائلی روزی روٹی کے بارے میں بھی تفصیل سے گفتگوکی اورایک اسٹراٹیجک طریقے پر قبائلی ترقیاتی پروگراموں کے نفاذ کے سلسلے میں طورطریقوں کے بارے میں تبادلہ خیال کیا۔ انھوں نے ریاست میں قبائلیوں کی روزی روٹی کو بہتربنانے کے لئے بھی بات چیت کی۔
دیگرجھلکیوں میں انڈین انسٹی ٹیوٹ انٹرپرینیورشپ لاکھرا میں منعقد کردہ ون دھن ورکشاپ میں بہت قبائلی مستفیدین کےساتھ گفتگوبھی شامل ہے ۔
اس سے پہلے وزیرموصوف نے مشہور شکتی پیٹھ کاماکھیا مندر کے درشن کے ساتھ آسام کا اپنا دوروزہ دورہ شروع کیا جہاں انھوں نے پوجا ارچنا کی ۔ اپنے دورے کے دوران مرکزی وزیرنے قبائلی ترقیاتی اسکیموں کے نفاذ ، چیلنجز اور ترقی کی بنیادی سطح پرجائزہ لیا۔
