نئی دہلی، ہندستان کی قومی شاہراہوں کی اتھارٹی نے جنوری 2018 تک 10460 کلو میر طویل سڑک کی تعمیر کے لئے بولیاں طلب کی ہیں جس پر 175000 کروڑ روپے لاگت آئے گی۔ این ایچ اے آئی سڑک پروجیکٹوں کے ٹھیکے دینے میں ایک زبردست چھلانگ لگانے کے لئے تیار ہے۔ آئندہ 15 دن کے اندر مزید ایک ہزار کلو میٹر سڑک کی تعمیر کے لئے مزید بولیاں طلب کی ہیں۔ گزشتہ 5 سالوں میں قومی شاہراہوں کی اتھارٹی (این ایچ اے آئی) کی طرف سے 2860 کلو میٹر سڑک پروجیکٹوں کے لئے ٹھیکے دیئے گئے جبکہ 17-2016 میں 4335 کلو میر طویل سڑک کی تعمیر کے لئے پروجیکٹ کے ٹھیکے دیئے گئے تھے
سڑک ٹرانسپورٹ اور شاہراہوں جہاز رانی اور آبی وسائل کے مرکزی وزیر جناب نتن گڈکری نے اس سال 10 ہزار کلو میٹر کے ٹھیکے دینے کے لئے این ایچ اے آئی کے سامنے ایک نشانہ طے کیا ہے۔ 43 ہزار کروڑ روپے کی لاگت کے تقریباً 2700 کلو میٹر کی لمبائی والے سڑک تعمیر کے لئے پروجیکٹوں کو 18-2017 میں اتھارٹی کی طرف سے پہلے ہی ٹھیکے دیئے گئے تھے اور فروری میں 3300 کلو میٹر اور مارچ 2018 میں پانچ ہزار کلو میٹر طویل سڑک تعمیر کے لئے ٹھیکے دیے کےمنصوبے ہیں لیکن تعمیر کے لئے ٹھیکے دینے کے منصوبے میں شرط یہ ہے کہ زمین کی حصولی اور پروجیکٹ کلیئرنس میں ریاستی سرکاروں کی طرف سے تعاون اور بولیوں کا اچھاردعمل حاصل ہو۔
اب تک جن پروجیکٹوں کے لئے ٹھیکے اور ٹینڈر دیئے گئے ہیں ان پروجیکٹوں کی ایک فہرست حسب ذیل ہے ۔ توقع ہے کہ پروجیکٹس کے لئے ٹھیکے مارچ 2018 تک دیئے جائیں گے جس میں مہاراشٹر میں 1900 کلو میٹر کے لئے راجستھان میں 1150 کلو میٹر اترپردیش میں 880 کلو میٹر ، اڈیشہ میں 745 کلو میٹر ، آندھراپردیش میں 650 کلو میٹر، گجرات میں 620 کلو میٹر ، کرناٹک میں 570 کلو میٹر ، تمل ناڈو میں 500 کلو میٹر ، بہار میں 430 کلو میر ، جھارکھنڈ میں 365 کلو میٹر ، تلنگانہ میں 350 کلومیٹر ، ہریانہ میں 280 کلو میٹر ، مغربی بنگا ل میں 270 کلو میر، چھتیس گڑ اور باقی دیگر ریاستوں میں 150 کلو میٹر، پنجاب میں 150 کلو میٹر، ہماچل پردیش میں 140 کلومیٹر، دہلی میں 120 کلو میٹر، کیرالا میں 100 کلو میٹر سڑک کی تعمیر کے لئے پروجیکٹ کے لئے ٹھیکے دیئے گئے ہیں۔
این ایچ اے آئی بھارت مالاپری یوجنا کے لئے ایک مثبت شروعات کرنے کے لئے تیار ہے جسے اکتوبر 2017 میں حکومت کی طرف سے منظوری دی گئی تھی۔ اس بات کو یقینی بنانے کے لئے کہ نشانے حاصل کئے جائیں این ایچ اے آئی نے ایک زبردست نگرانی طریقہ کار قائم کیا ہے۔ این ایچ اے آئی کے ہیڈکوارٹرس کے افسران اہم پروجیکٹوں کے پروجیکٹس سائٹس کا دورہ کررہے ہیں اور ریاستی حکومتوں کے ضلع کلکٹروں اور زمین کے حصولی سے متعلق افسروں کے ساتھ میٹنگ کررہے ہیں تاکہ زمین کی حصولی کے عمل کو تیز کیا جاسکے اور پروجیکٹ کی منظوری حاصل کی جاسکے۔ این ایچ اے آئی نے فیلڈ سطحوں پر ریٹائر ریونیو افسروں کی ایک بڑی تعداد میں بھرتی بھی کیا ہے۔
این ایچ اے آئی تعمیر کی رفتار میں اضافہ بھی کررہی ہے۔ این ایچ اے آئی کو 35 سو کلو میٹر لمبی سڑکوں کی تعمیر کو مکمل کرنا ہے۔ اس نے گزشتہ پانچ ال میں 2170 کلو میٹر طویل سڑک کی تعمیر کا کام مکمل کیا تھا۔ تعمیر کی رفتار کو برقرار رکھنے کے لئے این ایچ اے آئی نے 133 کلو میٹر کے 27 نئے پروجیکٹوں پر کام شروع کردیا ہے اور 3 ہزار کلو میٹر کے مزید 50 پروجیکٹوں پر کام جلد شروع ہوگا۔ بینک اور مالی ادارے اب ہائی برڈ موڈ (ایچ اے ایم) میں دلچسپی لے رہے ہیں ۔
