نئی دلّی: ای سی آئی کے نوٹس میں یہ بات آئی ہے کہ میڈیا کے کچھ حلقوں میں ( انڈین ایکسپریس ، ہندوستان ٹائمس ) ، اِس بات کی رپورٹ شائع کی گئی ہے کہ مرکزی پولیس فورسز کو ، خاص طور سے مغربی بنگال ریاست بھیجا جا رہا ہے ۔
ای سی آئی ، اِس سلسلے میں وضاحت کرنا چاہتی ہے :
مرکزی پولیس فورس ( سی پی ایف ) کو ایسی ریاستوں اور مرکز کے زیرِ انتظام علاقوں میں بھیجا جانا معمول کی بات ہے ، جہاں لوک سبھا / ودھان سبھا کے انتخابات ہونے والے ہوں تاکہ وہ پہلے سے علاقے میں پہنچ جائیں ، خاص طور پر ایسے اہم اور حساس علاقوں میں ، جن کی پہلے سے نشاندہی کی جا چکی ہے اور مختلف سیاسی پارٹیوں اور اکائیوں سمیت دیگر ذرائع سے ، ان کے بارے میں ٹھوس جانکاری حاصل ہوئی ہو ۔ یہ عمل 1980 ء کی دہائی کے اواخر سے جاری ہے ۔
2019 ء کے لوک سبھا انتخابات میں بھی مرکزی فورس کو تمام ریاستوں اور مرکز کے زیر انتظام علاقوں میں بھیجا گیا تھا اور اُن تمام ریاستوں میں بھی بھیجا گیا تھا ، جہاں انتخابات ہونے تھے ۔ اسی طرح اب مرکزی پولیس فورس کو تمام ریاستوں ، آسام ، کیرالہ ، تمل ناڈو ، مغربی بنگال اور مرکز کے زیر انتظام علاقے پڈو چیری میں بھی بھیجا جا رہا ہے ، جہاں انتخابات ہونے والے ہیں ۔
میڈیا کے لئے یہ جاننا دلچسپ ہوگا کہ سی پی ایف کی تعینات کے لئے احکامات 16 فروری ، 2021 ء کو ، اِن پانچ ریاستوں / مرکز کے زیر انتظام علاقے کے چیف سکریٹریوں ، ڈی جی پیز اور اعلیٰ انتخابی افسران کو جاری کئے گئے تھے ۔
