نئی دہلی۔، وزارت ریلوے 16 سے 31 اگست 2017 کے دوران اپنے تمام نیٹ ورک میں ‘‘سوچھتا پکھواڑہ’’ منارہا ہے۔ یہ مدت سوچھ بھارت ابھیان کے لئے پینے کے پانی اور صفائی ستھرائی وزارت کی نوڈل وزارت کی طرف سے ریلوے وزارت کو الاٹ کی گئی ہے۔
پکھواڑہ کے لئے تفصیلی رہنما خطوط تشکیل دے دیے گئے ہیں اور ہندوستانی ریلوے کی ہر یونٹ کو سرکولیٹ کیے گئے ہیں اور تمام نیٹ ورک ایک سب سے مؤثر انداز میں پکھواڑہ منانے کی تیاری کررہا ہے۔ ریلوے کے وزیر جناب سریش پربھاکر پربھو نے ریلوے انتظامیہ کو ہدایت دی ہے کہ وہ پکھواڑہ کو زبردست طور پر کامیاب بنائے اور پکھواڑہ کے دوران ریلوے اسٹیشنوں اور ٹرینوں میں صفائی ستھرائی پر خصوصی توجہ دے۔ انھوں نے تمام محکموں کے افسروں اور عملے کو بھی ہدایت دی کہ وہ اس مہم کے تئیں بیداری پیدا کریں اور انھیں سوچھتا پکھواڑہ کے دوران مختلف سرگرمیوں میں شامل ہونا چاہئے۔ غیرسرکاری اداروں یعنی این جی اوز اور دیگر تنظیموں کو بھی اس مدت کے دوران اسی طرح کی سرگرمیوں میں شامل ہونا چاہئے۔
پکھواڑہ کو ‘‘ریل سوچھتا پکھواڑہ’’ کا نام دیا گیا ہے۔ پکھواڑہ کی ہر تاریخ کو صفائی ستھرائی سے متعلق ایک مخصوص موضوع سے جوڑا گیا ہے۔
صاف ستھری توانائی مہم کے حصے کے طور پر شمسی توانائی سے لیس آلات کو اس مدت کے دوران پوری طرح کارآمد بنایا جائے گا۔ شمسی توانائی کی تنصیب کے لئے تجاویز میں تیزی لائی جائے گی۔
مسافر اور غیرمسافر ایریا میں صفائی ستھرائی کے لئے اے ون اور اے زمرے کے اسٹیشنوں پر خصوصی توجہ دی جائے گی۔
مناسب سینئر افسروں کو مختلف سطحوں پر مہم کی نگرانی کے لئے معمور کیا جائے گا۔ اس بات کی بھی تجویز ہے کہ سی سی ٹی وی کے ذریعے صفائی ستھرائی کی نگرانی کی جائے۔
اس پندرہ دن کے دوران صفائی ستھرائی سے متعلق خصوصی توجہ کے لئے لگ بھگ 200 ٹرینوں کی نشان دہی کی گئی ہے۔
سوچھتا پکھواڑہ کے ایک ہفتہ مکمل ہونے پر ایک وسط پکھواڑہ جائزہ لیا جائے گا۔
پکھواڑہ کے اختتام پر زونل ریلوے / پی یو ایس / سی ٹی آئی ایس کے ذریعے پیش کی گئیں جامع رپورٹوں کو سوچھتا پکھواڑہ کے دوران کیے گئے کام کا جائزہ لینے کے لئے مرتب کیا جائے گا۔
