ٹی یو 142ایم کو ہندوستانی بحریہ کے بیڑے سے فراغت

نئی دہلی، 26 مارچ       ہندوستانی بحریہ لمبی دوری کے سمندری گشتی جہاز ٹی یو 142 ایم کو، قوم کے تئیں اس کی 29 سال کی مصروف عمل سروس کے بعد، اسے فارغ کرنے کی تیاری کر رہی ہے۔ طیارے کو باضابطہ طور پر 29 مارچ، 2017 کو تمل ناڈو کے ارككونم میں واقع ہندوستان کے اہم بحریہ مرکز راجالی پر منعقد ایک خصوصی تقریب میں بحریہ کے سربراہ صدر ایڈمرل سنیل لامبا، پی وی ایس ایم، اے وی ایس ایم، اے ڈی سی کے ذریعہ بحریہ کے بیڑے سے فارغ کردیا جائے گا۔ ٹی یو  142 ایم کی بہترین سروس کے اعزاز میں آئی این ایس  راجالی پر بحریہ کے سربراہ کی جانب سے ایک ٹی یو اسٹیٹک ڈسپلے ایئر کرافٹ کا بھی افتتاح کیا جائے گا۔

ٹی یو 142 ایم لمبی دوری کے سمندری گشتی جہاز 1998 میں سابق سوویت یونین سے خریدا گیا تھا اور ڈبولم گوا میں ہندوستانی بحریہ میں شامل کیا گیا تھا۔ بعد میں 1992 میں اس کا اڈہ مستقل طور پر آئی این ایس راجالی بنا دیا گیا تھا اور یہ ہندوستانی  بحریہ کا سب سے بڑا ایل آر ایم آر  اے ایس ڈبلیو بن گیا تھا۔  اس طیارے نے تمام بڑے بحری مشقوں اور کارروائیوں میں حصہ لیتے ہوئے ہندوستانی بحریہ کا اعزاز بڑھایا۔ اپنے آخری مراحل میں ہونے کے باوجود اس طیارے نے مارچ، 2017 میں ٹراپكس بحریہ مشق میں غیر معمولی کارکردگی کا مظاہرہ کیا۔

دیگر اہم تقریب آئی این ایس راجالی کی سلور جینتی سے متعلق ہو گا، جو گزشتہ 29 سالوں سے ٹی یو کے مترادف بنا ہوا ہے اور اس کے لئے پناہ گاہ رہا ہے۔ ٹی یو  142 ایم کا کردار  اب پی -81 کرافٹ کے ذریعہ ادا کیا جائے گا، جسے حال ہی میں بحریہ میں شامل کیا گیا ہے۔ پی -81 کرافٹ کی تمام نظام مصدقہ ثابت ہوئی ہیں اور اسے ہندوستانی بحریہ کے آپریشنل گرڈ میں شامل کیا جا چکا ہے۔ ٹی یو 142 ایم ایئر کرافٹ کے پچھلے سکواڈرن کمانڈنگ آفیسر کمانڈر یوگیندر مایر، کمانڈر وی رنگناتھن کو کمان سونپیں گے، جو پی -81 کے پہلے سکواڈرن کمانڈنگ آفیسر ہوں گے۔