نئی دہلی، مرکزی وزیر صحت و کنبہ بہبود ڈاکٹر ہرشن وردھن نے ریاستوں /مرکز کے زیر انتظام علاقوں کے وزرائے صحت سے درخواست کی ہے کہ وہ قومی صحت پالیسی 2017 کے اہداف کے حصول کے لئے اپنے ریاستی بجٹ کا کم از کم 8 فی صد صحت دیکھ بھال پر خرچ کریں تاکہ2025 تک صحت خدمات کا ہونے والے خرچ کو مجموعی گھریلو پیداوار (ڈی جی پی) کے ڈھائی فی صد تک بڑھایا جاسکے۔ ڈاکٹر ہرش وردھن نے کہا کہ صحت و کنبہ بہبود کی مرکزی کونسل (سی سی ایچ ایف ڈبلیو) کی پہلی میٹنگ سے لے کر آج تک ہم نے مل جل کر صحت نگہداشت سے متعلق متعدد سنگ میل طے کئے ہیں جس میں خاص طور پر ہندستان کو پولیو سے پاک کرنا شامل ہے۔ ایسا ہماری مشترکہ کوششوں کے سبب ہی ممکن ہوسکا ہے۔ انہوں نےکہا کہ اگر سبھی وزرائے صحت کسی کاز کے لئے ایک ساتھ ہوجائیں تو کسی بھی ہدف کا حصول ناممکن نہیں ہے۔ مرکزی وزیر صحت آج یہاں سی سی ایچ ایف ڈبلیو کی تیرہویں کانفرنس کا افتتاح کررہے تھے جس میں صحت و کنبہ بہبود کے وزیر مملکت جناب اشونی کمار چوبے ، نیتی آیوگ کے رکن (صحت) ڈاکٹر وی کے پال ، صحت و کنبہ کی سکریٹری محترمہ پریتی سدن اور 13 ریاستوں کے وزرائے صحت موجو د تھے۔
اس موقع پر اظہار خیال کرتے ہوئے ڈاکٹر ہرش وردھن نے کہا کہ سی سی ایچ ایف ڈبلیو کی میٹنگ کا مقصد قومی صحت ترجیحات کے بارے میں اتفاق رائے قائم کرنا ہے جس میں آیوشمان بھارت کے توسط سے ملک گیر صحت کوریج (یو ایچ سی)، ٹی بی کا خاتمہ اور میڈیکل انفراسٹرکچر کو مضبوط کرنا جیسا دیگر ترجیحاتی ایجنڈا شامل ہے۔ اس کا حصول ریاستوں /مرکز کے زیر انتظام علاقوں کے ذریعہ صحت نگہداشت پر خرچ کی جانے والی رقم میں اجتماعی اضافے کے ذریعہ ہی ممکن ہے تاکہ قومی صحت پالیسی 2017 کے صحت سے متعلق اہداف کا حصول ممکن ہوسکتا ہے جس میں صحت پر ہونے والے خرچ بڑھاکر 2025 تک ڈی جی پی کا 2.5 فی صد کرنے کی بات کہی گئی ہے۔ انہوں نے کہا کہ یہ پہلی مرتبہ ہے جب حکومت صحت نگہداشت اور صحت دیکھ بھال کے ترجیحی ایجنڈے کے تئیں حکومت اس قدر پابند ہے ۔ اس کا واضح اظہار حال ہی میں اقوام متحدہ کی جنرل اسمبلی میں وزیراعظم جناب نریندر مودی نے جذبات انگیز تقریر سے ہوتا ہے جس میں انہوں نے صحت نگہداشت سے متعلق چار ستونوں پر زور دیا جس میں یونیورسل ہیلتھ کوریج، مشن موڈ انٹروینشنز ، معیاری اور قابل رسائی سستی صحت خدمات اور خاطر خواہ بنیادی ڈھانچہ بھی شامل ہیں۔ ڈاکٹر ہرش وردھن نےمزید کہا کہ صحت کو ہر ریاست اور مرکز کے زیر انتظام علاقے میں سماجی تحریک بنائے جانے کی ضرورت ہے اور ریاستوں / مرکز کے زیر انتظام علاقوں کے ذریعہ تال میل کے ساتھ ایٹ رائٹ اینڈ فٹ انڈیا تحریکوں کو چلائے جانے کی ضرورت ہے تاکہ صحت مند اور مضبوط ہندستان کے حصول کو یقینی بنایا جاسکے۔ وزیر موصوف نے اترپردیش کے وزیر صحت سے یہ درخواست بھی کہ وہ ریاست کے صحت بجٹ میں اضافہ کریں اور باقی ریاستوں کے لئے ایک مثال قائم کریں۔ قابل ذکر ہے کہ اترپردیش کے وزیر صحت وہاں کے وزیر خزانہ بھی ہیں۔
اس موقع پر اظہار خیال کرتے ہوئے صحت و کنبہ بہبود کی سکریٹری محترمہ پریتی سدن نے کہا کہ وزارت صحت موثر ، سستی ، معیاری اور قابل رسائی صحت کے کاز کے تئیں پابند عہد ہے۔ انہوں نے مزید کہا کہ ملک کی صحت اہداف سے متعلق کوششوں کا سی سی ایچ ایف ڈبلیو ایک لازمی جزو ہے۔ انہوں نے کہا کہ سیاسی قیادت اور ریاستوں و مرکز کے زیر انتظام علاقوں کی عہد بستگی کے بغیر صحت دیکھ بھال کو موثر نہیں بنایا جاسکتا ۔
نیتی آیوگ کے رکن ڈاکٹر ونود- کے -پال نے عوامی صحت شعبے کے دو ترجیحی شعبہ جات کا ذکر کیا ۔ پہلا مرکز اور ریاستوں /مرکز کے زیر انتطام علاقوں کے ذریعہ صحت کے بجٹ میں اضافہ اور دوسرا صحت سے متعلق بنیادی ڈھانچہ کا فروغ۔ انہوں نے کہا کہ این ایچ پی 2017 کے تحت صحت کے بجٹ میں جس اضافے کا عہد کیا گیا ہے اس کی تکمیل ریاستوں کے بغیر ممکن نہیں ہوسکتی۔ انہوں نے مزید کہا کہ سرکاری شعبے کی کوششوں کو تقویت دینے کے لئے نجی شعبے کو اس میں مزید شامل کرنے کی ضرورت ہے تاکہ بستروں اور اسپتالوں کی تعداد میں اضافہ کیا جاسکے اور صحت بنیادی ڈھانچے سے متعلق عالمی معیارات کی تکمیل کی جاسکے۔
قابل ذکر ہے کہ صحت و کنبہ بہبود سے متعلق کونسل ایک اعلی مشاورتی ادارہ ہے جو غوروفکر کے بعدتمام پہلوؤں کو پیش نظر رکھتے ہوئے صحت و کنبہ بہبودسے متعلق ا مور کے معاملے میں وسیع تر پالیسی کے تعلق سے سفارشات پیش کرتا ہے۔ صحت و کنبہ بہبود کےمرکزی وزیر اس کے چیرمین جبکہ صحت و کنبہ بہبود کے وائس چیئرمین ہیں۔ جبکہ اس کے اراکین نے نتیی آیوگ کے رکن ، ریاستوں /مرکز کے زیر انتظام علاقوں کے صحت و کنبہ بہبود میڈیکل ایجوکیشن اور پبلک ہیلتھ کی وزارتوں کے انچارج ، مرکز کے زیرانتطام علاقوں کے نمائندے ، اراکین پارلیمنٹ (4) نن آفیشئلز (6) معروف شخصیات (11) کونسل کے اراکین ہوتے ہیں۔ سی سی ایچ ایف ڈبلیو کی پہلی میٹنگ 1988 میں ہوئی تھی۔
ڈیڑھ دنوں پر مشتمل کانفرنس کے دوران سات سیشنز میں متعدد امور پر غور و خوض کیا گیا۔
افتتاحی اجلاس کے دوران ڈاکٹر ہرش وردھن اور دیگر وزرا نے ایک نئی مہم ‘سرکشت ماترتو آشواسن’ (سُمن) کا آغاز کیا۔ جس کا مقصد زچہ اور نوازئیدہ بچوں کی ایسی اموات کو صفر تک لانا ہے جسے علاج کے ذریعہ روکا جاسکتا ہے۔ اس موقع پر اس کی ویب سائٹ اور شکایات کے ازالے سے متعلق پورٹل کو بھی لانچ کیا گیا ہے۔ چونکہ آج ورلڈ سائٹ ڈے یعنی عالمی یوم بینائی بھی ہے۔ لہذا اس مناسبت سے ڈاکٹرہرش وردھن نے نیشنل ڈائبٹریز اینڈ ڈائبیٹک ریٹینو پیتھی سروےاور 19-2015 اور رپورٹ ٓان نیشنل بلائنڈنیس اینڈ ویزوول امپئیرمینٹ سروسے انڈیا 19-2015 رپورٹ بھی جاری کی جسے ایمس، نئی دہلی کی مدد سے تیار کیا گیا ہے۔ اس کے علاوہ دیگر معززین کے ساتھ انہوں نے عالمی یوم دماغی صحت کی مناسبت سے خودکشی کی روک تھام سے متعلق دو اطلاعاتی لیف لیٹس کا بھی اجرا کیا۔ مزید برآں انہوں نے ڈرگز اینڈ ڈائیگناسٹک سروس اینیشی ایٹیو سے متعلق رہنما ہدایات ، بائیو میڈیکل اکیوئپمنٹ منجمنٹ اینڈ منٹیننس پروگرام سے متعلق رہنما ہدایات اور پردھان منتری نیشنل ڈائلیسس پروگرام کے تحت پیریٹونیئل ڈائلیسس سے متعلق رہنما ہدایات بھی جاری کیں۔
کانفرنس کے ایجنڈے میں وہ امور شامل ہیں جو موجودہ تناظر میں اپنی معنویت رکھتے ہیں۔ ان میں آیوشمان بھارت-پی ایم جے وائی اور ہیلتھ اینڈ ویلنیس سینٹرس (ایچ ڈبلیو سی) نیشنل ہیلتھ مشن -صحت نظامات کی مضبوطی ، متعدی امراض (ٹی بی کنٹرول ویکٹر بورن ڈیزیز پروگرام ، لیپروسی کنٹرول ، وائرل ہیپاٹائٹس کنٹرول) نیشنل ایڈز کنٹرول پروگرام ، ری پروڈکٹیو ہیلتھ، میٹرنل ہیلتھ ، چائلڈ ہیلتھ ، ٹیکہ کاری ، نوجوانوں کی صحت شامل ہیں۔ غیر متعدی امراض (میٹل ہیلتھ پروگرام، کارڈیو ویسکولر ڈیزیز، کینسر، ذیابیطس ، بزرگوں کی صحت دیکھ بھال ، اندھے پن پر قابو پانا) تمباکو پر قابو پانا، میڈیکل ایجوکیشن کا ریگولیشن ، فوڈ اینڈ ڈرگز ، نیشنل آرگن ٹرانسپلانٹ پروگرام ، کلینیل اسٹبلشمنٹ ایکٹ ، پی ایم ایس ایس وائی اور ای-ہیلتھ جیسے پروگرام بھی اس میں شامل ہیں۔
اس موقع پر موجود شخصیات صحت و کنبہ بہبود وزارت کے سی جی ایچ ایس سے وابستہ ڈاکٹر سنجے تیاگی ، متعدد ریاستوں کے ہیلتھ سکریٹریز اور صحت و کنبہ بہبود کی وزارت ، آئی سی ایم آر، نیتی آیوگ کے سینئر افسران اور متعدد ترقیاتی شراکت داروں کے نمائندے بھی موجود تھے۔
