یونین پبلک سروس کمیشن نے کووڈ-19 کے سبب ملک گیر پابندیوں کے تیسرے مرحلے کے بعد صورتحال کاجائزہ لینے کیلئے آج ایک میٹنگ منعقد کی۔ متعدد پابندیوں کی توسیع کانوٹس لیتے ہوئے کمیشن نے فیصلہ کیا ہے کہ فی الحال امتحانات اور انٹرویو کو منعقد کرنا ممکن نہیں ہوگا۔ تاہم کمیشن نے مرکزی حکومت اور متعدد ریاستوں کے ذریعے اعلان کی جارہی نرمیوں کو ملحوظ رکھتے ہوئے کمیشن نے چوتھے لاک ڈاؤن کے خاتمے کے بعد ایک بار پھر سے حالات کاجائزہ لینے کا فیصلہ کیا ہے۔ پچھلے دو مہینے کی مدت کے دوران ملتوی کیے گئے مختلف امتحانات اور انٹرویو کے امیدواروں کو واضح جانکاری دینے کے مقصد سے کمیشن 5جون 2020 کو ہونےوالی اپنی اگلی میٹنگ میں امتحانات کے لئےترمیم شدہ شیڈول جاری کریگا۔ امتحانات سے متعلق نئے نظام الاوقات کی تفصیلات کمیشن کی 5 جون کی میٹنگ کے بعد یو پی ایس سی کی ویب سائٹ پر جاری کیا جائیگا۔
