نئی دہلی، یونین پبلک سروس کمیشن ( یو پی ایس سی ) اور منگولیہ کی سول سروس کونسل نے آج یہاں دونوں ملکوں کی کمیشنوں کے درمیان تعاون کو فروغ دینے کی غرض سے ایک مفاہمتی دستاویز ( ایم او یو ) پر دستخط کئے گئے ہیں ۔
یونین پبلک سروس کمیشن ( یو پی ایس سی ) کے چیئرمین جناب اروند سکسینہ اور منگولیہ کی سول سروس کونسل کے چیئرمین جناب بی باتر زورگ نے وزارت امور خارجہ ( ایم ای اے ) اور محکمہ عملہ اور ٹریننگ ( ڈی او پی ٹی ) کی موجودگی میں ایم او یو پر دستخط کئے ۔
ایم او یو کا ابتدائی مقصد باہمی تبادلوں کو ذریعہ بہترین رائج طریقہ عمل کا تبادلہ اور انہیں فروغ دینا ہے ۔ باہمی تعاون کے شعبوں میں جانچ کے عمل میں اطلاعاتی ٹیکنا لوجی کے استعمال میں حاصل تجربوں کا تبادلہ ، پبلک سروس اصلاحات کے نئے طریقے اپنانا ، مخصوص تربیتی پروگراموں کے لئے افراد کا تبادلہ اور باہمی مفاد کے شعبوں میں سیمینار اور ورک شاپوں کا انعقاد شامل ہے ۔ ایم او یو میں ایسے دوسرے تعاون التزامات میں شامل ہیں ، جن پر بعد میں اتفاق رائے سے فیصلہ لیا جائے گا ۔
