اب تک ملک بھرمیں 6.5 کروڑ سے زیادہ لوگوں کو ویکسین کی خوراک دی جاچکی ہے

ملک کی آٹھ ریاستوں مہاراشٹر، چھتیس گڑھ ، کرناٹک، پنجاب، کیرالہ،  تمل ناڈو، گجرا ت اور مدھیہ پردیش سے مسلسل روزانہ کووڈ کے نئے کیسوں کی تعداد میں اضافہ کی خبریں ہیں۔84.61  فیصد نئے معاملات انہیں ریاستوں میں سامنے آئے ہیں۔

گذشتہ 24 گھنٹوں کے دوران 72330 نئے معاملات سامنے آئے ہیں۔

مہاراشٹر میں سب سے زیادہ تعداد میں 39544 نئے یومیہ معاملات درج کیے گئے ہیں۔ اس کے بعد چھتیس گڑھ میں 4563 جبکہ کرناٹک میں 4225 نئے معاملات سامنے آئے ہیں ۔

جیساکہ درج ذیل گراف میں دکھایا گیا ہے ، 10 ریاستوں میں روزانہ نئے کیسوں کی تعداد میں اضافہ ہورہا ہے۔

بھارت میں مجموعی طور پر فعال معاملات کی تعداد آج 584055 تک پہنچ گئی۔ بھارت میں موجودہ  فعال معاملات کی تعداد، بھارت کے مجموعی مثبت معاملات کا 4.78 فیصد کے بقدر ہے۔ گذشتہ 24 گھنٹوں کے دوران مجموعی فعال معاملات میں 31489 کیسوں کا اضافہ رونما ہوا ہے۔

ملک بھر میں نئے سامنے آنے والے مجموعی فعال کیسوں میں سے 78.9 فیصد معاملے  مہاراشٹر، کرناٹک ، کیرالہ ،  چھتیس گڑھ اور پنجاب  میں سامنے آئے ہیں۔ ملک کے کل فعال معاملات کا 61 فیصد اکیلے  مہاراشٹر میں درج کیا گیا ۔

درج ذیل گراف  ان ریاستوں کو ظاہر کرتا  ہے جہاں ان کے کل جانچوں میں آر ٹی- پی سی آر جانچ کی حصہ داری کم ہے۔مرکز  ریاستوں اور مرکز کے زیر انتظام علاقوں کو آر ٹی- پی سی آر جانچ کا تناسب بڑھانے کے لئے اور اسے کل جانچ 70 فیصد سے زائد کرنے کے لئے مشورہ دیتا رہا ہے۔

45 برس اور اس سے زیادہ کے عمر کے تمام لوگوں کے لئے کووڈ-19 ٹیکہ کاری کا اگلا مرحلہ آج سے شروع ہوگیا ہے۔

دوسری طرف آج صبح سات بجے تک موصولہ ابتدائی رپورٹ کے مطابق 1086241 سیشنوں میں 6.5 کروڑ (65117896) سے زیادہ لوگوں کو ٹیکہ لگایا گیا ۔ ان میں 8260293 طبی کارکنان (پہلی خوراک ) ، 5250704 طبی کارکنان (دوسری خوراک)، 9174171 صف اول کے کارکنان (پہلی خوراک) اور 3945796 صف اول کے کارکنان (دوسری خوراک) ، 783667 (پہلی خوراک)اور 17849 (دوسری خوراک) 45 سال یا اس سے زیادہ عمر کے دیگر امراض سے متاثر مستفیدین اور 30512070 (پہلی خوراک) اور 120346 (دوسری خوراک) 60 سال سے زیادہ عمر کے مستفیدین شامل ہیں۔

ٹیکہ کاری مہم کے 75 ویں دن (31 مارچ 2021) کومجموعی طور پر 2063543 افراد کو ٹیکے لگائے گئے ۔ان میں سے1794166  مسفیدین کو 39484 سیشن میں پہلی بار ٹیکے لگائے گئے اور 269377 مستفیدین کو ویکسین کی دوسری خوراک دی گئی۔

بھارت میں کووڈ-19 ٹیکہ کاری کے کل کوریج کو نیچے دکھایا گیا ہے۔

بھارت میں صحتیاب ہونے والوں کی تعداد آج 11474683 ہوگئی۔ قومی  سطح پر صحتیابی کی شرح 93.89 فیصد ہے۔

گذشتہ 24 گھنٹوں کے دوران 40382 افراد صحتیاب ہوئے۔

گذشتہ 24 گھنٹوں کے دوران 459 اموات درج کی گئیں۔

اموات کے نئے معاملات میں سے 83.01 فیصد معاملات 6 ریاستوں میں سامنے آئے۔ مہاراشٹر میں سب سے زیادہ اموات (227) درج کی گئیں۔ اس کے بعد  پنجاب میں 55 یومیہ اموات درج کی گئیں۔

15  ریاستوں / مرکز کے زیر انتظام علاقوں میں گذشتہ 24 گھنٹوں کے دوران کووِڈ- 19 کی وجہ سے موت کا ایک بھی واقعہ سامنے نہیں آیا۔ یہ ریاستیں ہیں،  چنڈی گڑھ ، جھاڑ کھنڈ ، اڈیشہ، لداخ(مرکز کا زیر انتظام علاقہ)، دمن و  دیو اور دادر و  نگر حویلی، پڈو چیری، منی پور، تریپورہ، سکم، ناگا لینڈ، لکشدیپ،  میگھالیہ، میزورم، انڈمان و نکوبار جزائر اور اروناچل پردیش۔