نئی دہلی، 19 جنوری /نائب صدرجمہوریۂ ہند جناب محمد حامد انصاری نے آج اترپردیش کے ایٹہ ضلعے میں ہوئے حادثے پر شدید رنج و غم کا اظہار کیاہے۔ اپنے پیغام می نائب صدر جمہوریہ نے کہا ہے کہ آج صبح سویرے اترپردیش کے ایٹہ ضلعے میں ہوئے اس حادثے کے بارے میں جان کر مجھے انتہائی دکھ ہوا، جس میں متعدد اسکولی بچوں سمیت جانی نقصان ہواہےاور کئی لوگوں کو چوٹیں آئی ہیں۔
نائب صدرجمہوریہ نے کہاہے کہ میں سوگوارکنبوں کے تئیں صمیم ِ قلب سے اظہارِ تعزیت کرتاہوں اور اللہ تعالی سے دعا گوہوں کہ وہ انہیں اس نقصان پر صبرکرنے طاقت اور ہمت عطاکرے۔میں زخمیوں کی جلد صحت یابی کے لئے بھی دعا گو ہوں۔
