ثقافت، سیاحت اور شمال مشرقی خطے کی فروغ (ڈونیئر) کے مرکزی وزیر جناب جی کشن ریڈی نے کتھا کرانتی ویروں کی نامی نمائش کا افتتاح کیا۔ یہ نمائش آج نئی دہلی میں رابندرہ بھون میں للت کلا گیلریز میں منعقد کی گئی ہیں اس نمائش میں انقلاب کی داستان ہے، جس میں الوری سیتاراما راجو سے متعلق مخصوص پینٹنگس کی نمائش کے ساتھ ساتھ شہیدی دیوس ، چمپارن ستیہ گرہ اور جلیاں والا باغ کی پینٹنگس کی بھی نمائش کی گئی ہے۔ ثقافت کے وزراء مملکت جناب ارجن رام میگھوال اور محترمہ میناکشی لیکھی نے بھی اس تقریب میں پہنچ کر اس کی شان میں اضافہ کیا۔
رابندر بھون میں منعقدہ کتھا کرانتی ویروں کی نمائش ، آزادی کے 75 ویں سال تقریبات کے موقع پر آزادی کے امرت مہوتسو کے حصے کے طور پر منعقد کی گئی ہے۔ قومی یادگار اتھارٹی کے صدر نشیں جناب ترن وجے اور للت کلاں اکیڈمی کے پروٹم صدر نشین ڈاکٹر اتم پچار نے بھی اس موقع پر موجود تھے۔
نمائش سے متعلق اظہار خیال کرتے ہوئے جناب جی کشن ریڈی نے کہا کہ ‘‘ایک تصویر 1000 الفاظ کی نمائندگی کرتی ہے، مختلف آرٹسٹوں کے ذریعے بنائی گئیں یہ تصاویریں تحریک کی لچک کی روح کو سموئے ہوئے ہیں۔ ان لمحات کے بارے میں تصاویر بنانے کے لئے آرٹسٹوں کی حوصلہ افزائی کرنے کی ضرورت ہے۔ کیونکہ تاریخ کی کتابوں اور تحریری الفاظ ان کی بہادری اور ہمت کے ساتھ انصاف نہیں کرسکتے۔’’
وزیر موصوف نے مزید یہ بھی کہا ‘‘وزیراعظم نے اکثر برطانوری سامراج کے خلاف ہماری جدو جہد میں غیر معروف اور کم ستائش شدہ ہیروز اور کم معروف واقعات کے بارے میں اکثر بات چیت کی ہے اور انہوں نے ہماری ثقافت اور روحانی ورثے کو تحفظ فراہم کرنے کو کہا ہے۔ الوری سیتا راما راجو اور کومو رام بھیم جیسے لیڈروں کو وہ مقام حاصل نہیں ہوا ہے، جو ان کی خدمات کے بدلے میں ان کو حاصل ہونا چاہئے تھا اور ہم اس بات کو یقینی بنائیں گے کہ ان کی اس بارے میں تقریبات باقاعدگی سے منائی جائیں۔ ہم اس بات کو بھی یقینی بنائیں گے کہ شہیدی دیوس چمپارن ستیہ گرہ اور جلیاں والا باغ کے واقعات کو باقاعدگی کے ساتھ منائیں گے۔’’
اس موقع پر خطاب کرتے ہوئے ثقافت کے وزیر مملکت جناب ارجن رام میگھوال نے ‘‘گتھا کرانتی ویروں کی’’ نامی نمائش منعقد کرنے کے لئے ایل کے اے کی ستائش کی۔ یہ نمائش ادھم سنگھ، بھگت سنگھ، چندر شیکھر آزاد وغیرہ جیسے عظیم شہیدوں کے ذریعے دی گئی قربانیاں اور ان کی زندگی پر محیط آرٹ ورک ہے۔ انہوں نے کہا کہ یہ اہم ہے کہ ان کی عظیم قربانی کو اجاگر کیا جائے تاکہ نوجوان نسلیں قوم کے تئیں عزم کے اقدار اور ان کے مابین قربانی کے جذبے کو سمجھ سکیں ۔
ثقافتی کی وزیر مملکت محترمہ میناکشی لیکھی نے ہندوستان کے یوم آزادی کے 75 سال کے موقع پر ناظرین کو مبارک باد دی۔ انہوں نے کہا کہ یہ بہت اچھی بات ہے کہ جد وجہد آزادی کے عظیم شہیدوں کی زندگی پر ایسی نمائش دیکھنے کو ملی، جو کہ مکمل طور پر مادر وطن ہندوستان کے تحفظ کے لئے شجاعت، بہادری اور قربانی کی ایک نمائش ہے۔ انہوں نے اس امید کا اظہار کیا کہ ایل کے اے جیسے قومی اہمیت کے تمام ادارے وزیراعظم جناب نریندر مودی کا ‘‘سنکلپ سے سدھی’’ کا سپنا پورا کرنے کے لئے سخت کاوشیں کریں گے۔
کتھا کرانتی ویروں کی نامی نمائش اس وقت جاری ہے، جس میں 100 آرٹ کے شاہکار نمائش کے لئے لگائے گئے ہیں، جن میں الوری سیتاراما راجو جیسے غیر معروف ہیرو کو اجاگر کیا گیا ہے، نیز شہیدی دیوس چمپارن ستیہ گرہ اور جلیاں والا باغ کیمپ کے دوران کے واقعات پر تصاویری شاہکار وضع کئے گئے ہیں۔ یہ نمائش عوام الناس کے لئے 30 اگست 2021 تک کھلی رہے گی، جسے صبح 11 بجے سے شام 7 بجے تک دیکھا جاسکتا ہے۔ اس کے علاوہ ایک 7 روزہ آرٹ کیمپ بھی شروع کیا گیا ہے، جس میں قومی ایوارڈ حاصل کرنے والے کلا کار شرکت کریں گے۔
