نئیدہلی، 28 جنوری 2018 کو ملک وقوم انتہائی فخر وانبساط کے ساتھ 69 واں یوم جمہوریہ منائیں گے ۔ اس موقع پر یوم جمہوریہ کی پریڈ کے دوران راج پتھ پر مختلف طیاروں کے ذریعہ فلائی پاسٹ اور فضائی کرتبو ں کا شاندار مظاہرہ کیا جائے گا۔فلائی پاسٹ اورفضائی کرتبو ں کی ریہر سل جمعرات 18 جنوری 2018 سے شروع ہوگی ۔ چرخی دادری – جھجر – یمنا ندی کے علاقوں میں فلائی پاسٹ کرنے والے طیارے کم بلندی پر پرواز کریں گے ۔
پرندے ، کم بلندی پر پرواز کرنے والے طیاروں کے لئےسنگین خطرہ بن جاتے ہیں ۔ کھلی جگہ پر ڈال دی جانے والی خردنی اشیا پر پرندے منڈلاتے ہیں ۔طیاروں کے تحفظ کو یقینی بنانے کی غرض سے ہندوستانی فضائیہ نے عام لوگو ں اور پائلیٹوں سے گزارش کی ہے کہ دہلی ، غازی آباد ،چرخی دادری ، جھجر اور اس کے آس پاس کے علاقوں میں کھلی جگہوں پر کھانے پینے کی چیزیں اور کچرہ نہ ڈالیں اور اگر کہیں مردہ جانوروں کی لاش یا پنجر کھلے میں مل جائیں تو اس کی اطلاع قریبی ائیر فورس یونٹ / پولیس اسٹیشن کو فوری طورسے دی جائے تاکہ اس کو ٹھکانے لگایا جاسکے ۔اس کے ساتھ ہی یہ گزارش بھی کی گئی ہے کہ ایئر فورس اسٹیشن پالم پر برڈ ہزار ڈ کم بیک ٹیم (بی ایچ سی ٹی ) کے نگراں افسر کو بھی فون نمبر 1932 کے ایکٹینشن نمبر 7348 پر اطلاع دی جائے ۔
واضح ہوکہ فلائی پاسٹ کا آغاز آسمان سے پھولوں کی پنکھڑیوں کی بارش سے ہوگا ، جس میں ایم آئی -117 وی 5 ہیلی کاپٹر میں حصہ لیں گے ۔ان ہیلی کاپٹروں کے ذریعہ پھولوں کی بارش 18 جنوری ،20 جنوری ، 21 جنوری ، 23 جنوری اور 26 جنوری 2018 کو کی جائے گی۔
