نئیدہلی: ایشیائی ترقیاتی بینک ( اے ڈی بی ) اور حکومت ہند نے وجے نگر نہر کی سنچائی کے نظام کی جدید کاری اور دریائے کرشنا کے نشیب میں دریائی نشیب کے بندوبست کا منصوبہ تیار کرنے کے لئے آج 9 کروڑ دس لاکھ امریکی ڈالر کے قرض کے معاہدے پر دستخط کئے ہیں۔ اس سے کرناٹک میں سنچائی کے پانی کے مناسب استعمال میں او ر سب کے لئے پانی کو دیر پا طور پر یقینی بنانے میں بہتری لانے میں مدد ملے گی۔
کرناٹک کے مربوط اور دیر پا آبی وسائل کے بندوبست سے متعلق سرمایہ کاری کے پروگرام (آئی ڈبلیو آر ایم ) کے لئے دوسرے پروجیکٹ قرض کے معاہدے پر وزارت خزانہ کے تحت اقتصادی امور کے محکمے کے ایڈیشنل سکریٹری جناب سمیت کمار کھرے نے حکومت ہند کی طرف سے اور اے ڈی بی کے بھارت کے ریذیڈینٹ مشن کے کنٹری ڈائریکٹر جناب کینیچی یوکو یاما نے اے ڈی بی کی طرف سے دستخط کئے ۔
قرض کے دستاویزات پر دستخط کرنے کے بعد جناب کھرے نے کہا :’’ سرمایہ کاری کے پروگرام سے کرناٹک میں آبی وسائل کے مربوط بندوبست اور پانی کے مناسب استعمال کو بہتر بنانےسے متعلق سنچائی کے نظام کے بنیادی ڈھانچے کو جدید شکل دینے میں کرناٹک سرکار کو مدد ملے گی ۔
جناب یوکو یاما نے کہا :’’ اس دوسرے پروجیکٹ قرض سے ریاست میں آئی ڈبلیو آر ایم کے لئے نشیبی علاقوںسے متعلق اداروں کو استحکام دینے کا کام جاری رہے گا۔
