نئی دہلی، حکومت ہند نے اپنے نوٹیفکیشن نمبر 89/2017- کسٹمس مورخہ 21 ستمبر 2017 میں مشتہر کیا تھا کہ ڈیوٹی کے قابل واپسی محصول کی آل انڈسٹری شرحوں (اے آئی آر ایس ) کا اطلاق یکم اکتوبر 2017 سے ہوگا۔ برآمدات کے معاملے میں ٹیکس کو زیادہ معقول بنانے کے مقصد سے صنعت اور تجارت کی طرف سے مختلف تجویزوں پر غور کرنے کے بعد حکومت نے 102 محصولی اشیاء کے لئے ڈیوٹی قابل واپسی محصول کی آل انڈسٹری شرحوں میں اضافہ کر دیا ہے۔
برآمدی اشیاء میں زیادہ تر سمندری اور سی فوڈ اشیاء، آٹو موبائل ٹائر اور بائیسکل کے ٹائر اور ٹیوب ، چمڑا اور چمڑے کی مصنوعات ،یارن ،اونی کپڑے شیشے کی دستکاری کی اشیاء اور سائیکلیں وغیرہ شامل ہیں ۔
قابل واپسی محصول کی نظر ثانی شدہ شرحوں سے برآمدی شعبے کی تشو یش کو حل کرنے میں مدد ملے گی اور عالمی معیشت میں ہندوستان کی برآمدات زیادہ مقابلہ آرائی کے قابل ہو جائیں گی۔ مزید تفصیلات کےلئے نوٹیفکیشن نمبر 8/2018-Cus (این ٹی ) مورخہ 22 جنوری 2018 کو ویب سائٹ cbec.gov.in سے ڈاؤن لوڈ کیا جا سکتا ہے ۔ قابل واپسی محصول کی اضافہ شدہ شرحوں کا اطلاق 25 جنوری 2018 سے ہو گا۔
