بھارت نے بڑی تعداد میں صحت یابی کا ریکارڈ قائم کیا

نئی دلّی: بھارت  میں  مسلسل دو دن سے 94000 سے زیادہ   لوگوں کی صحت یابی  کی اطلاع  ہے ۔

          پچھلے 24 گھنٹے کے دوران ملک میں   94612 لوگوں کے صحت یاب ہونے کا اندراج کیا گیا ہے ۔ اس کے ساتھ ہی   صحت یاب ہونے والے لوگوں کی مجموعی تعداد  43 لاکھ  سے زیادہ ( 4303043 ) ہو گئی ہے ۔  اس کے ساتھ ہی صحت یابی کی شرح  79.68 فی صد تک پہنچ گئی ہے ۔

          صحت یاب ہونے والے  افراد میں  60 فی صد  کا تعلق پانچ ریاستوں یعنی مہاراشٹر ، کرناٹک ، آندھرا پردیش ، اتر پردیش اور تمل ناڈو سے ہے ۔ مہاراشٹر  صحت یابی کے نئے معاملات میں 23000 سے زیادہ افراد کی شفا یابی کے ساتھ سب سے آگے ہے ۔ کرناٹک اور آندھرا پردیش  دونوں میں  ایک ہی دن میں  10000 سے زیادہ لوگ شفا یاب ہوئے  ہیں ۔

          ملک میں پچھلے 24 گھنٹے کے دوران مصدقہ معاملات کی تعداد 92605 ہے ۔

          52 فی صد نئے متاثرہ افراد کا تعلق 5 پانچ  ریاستوں سے ہے ۔ یہی وہ ریاستیں ہیں ، جہاں صحت یابی کی تعداد بھی  سب سے زیادہ ہے ۔ مہاراشٹر میں  20000 سے زیادہ ( 22.16 فی صد ) نئے معاملات درج کئے گئے ہیں ۔ آندھرا پردیش اور کرناٹک میں 8 – 8 ہزار سے زیادہ  لوگ متاثر پائے گئے ہیں ۔

          پچھلے 24 گھنٹے میں  1133 اموات درج کی گئی ہیں ۔

          کل  ، جو اموات درج کی گئی تھی ، اُن میں 37 فی صد کا تعلق مہاراشٹر ، کرناٹک ، اور اتر پردیش سے ہے ، جہاں بالترتیب 425 ، 114 اور  84 اموات درج کی گئیں ۔