نئی دہلی، جرمنی کے شہر بون میں گزشتہ روز عالمی شمسی اتحاد کے یوم تاسیس کی تعارفی تقریب کا انعقاد کیا گیا۔
حکومت ہند کی نئی وقابل تجدید توانائی کی وزارت کے سکریٹری جناب آنند کمار نے اس تعارفی تقریب سے خطاب کے دوران امید ظاہر کی کہ مثبت اقدامات کے جذبے سے ترقی یافتہ ممالک ترقی پذیر ملکوں میں شمسی توانائی کے منصوبوں کے لئے بیرون ملک ترقیاتی امداد (او ڈی اے) کے لئے سرمایہ کی تخصیص میں اضافہ کریں گے ۔ انہوں نے مشورہ دیا کہ ہمہ جہتی ترقیاتی بینک اور دیگر مالیاتی اداروں کو کفایتی سرمائے ، اور تحقیق و ترقی کے اداروں کو کھلے دل کے ساتھ مالیاتی امداد فراہم کرائی جائے ۔ یہی وہ ادارے ہیں جو دنیا بھر میں قائم ہیں اورشمسی توانائی کے شعبے میں تحقیق وترقی کے کام سرگرمی کےساتھ انجام دیتے ہیں ۔ ان اداروں کو سرمایہ کاری اورتحقیق وٹکنالوجی کی امدادفراہم کی جائے تاکہ شمسی توانائی کی پیداوار اور اس کو جمع کرنے کی لاگت میں بچت کی جاسکے ۔ اس موقع پر جناب کمار نے کارپوریٹ اور دیگر اداروں کو دعوت دی کہ ممکنہ طریقے سے شمسی توانائی کے فروغ اور اس کے استعمال کی امداد کی جائے ۔
وزیر اعظم نریند مودی کے آئی ایس اے اقدامات کا ذکرکرتے ہوئے جناب کمار نے آئی ایس اے کی حکومت ہند کی جانب سے مسلسل امداد کی عہد بستگی کا اعادہ کیا ۔ اس موقع پر انہوں نے ہندوستان میں قابل تجدید توانائی اور بالخصوص قابل تجدید توانائی کی پیداوارکو 2022 تک 175 جی ڈبلیو تک پہنچانے کے لئے حکومت ہند کے اقدامات کا بھی تذکرہ کیا ۔
آئی ایس اے کے عبوری ڈائریکٹر جنرل جناب اوپیندر ترپاٹھی نے اس موقع پر بتایا کہ آئی ایس اے 6 دسمبر 2017 کو معاہدوں پر مبنی بین الاقوامی بین سرکاری تنظیم کی حیثیت اختیار کرلے گی۔ دنیا کے 44 ممالک آئی ایس اے معاہدے پر پہلے ہی دستخط کرچکے ہیں اور جلد ہی مزید ممالک بھی اس پر دستخط کریں گے ۔ جناب ترپاٹھی نے شمسی توانائی کے لئے کفایتی سرمایہ کاری کے فروغ ،زراعت کے لئے سولر ایپلی کیشن کی کارکردگی کے معیار میں اضافے ،رکن ممالک میں سولر منی گرڈ قائم کئے جانے جیسے آئی ایس اے کے پروگراموں کی تفصیل بیان کی ۔ اس موقع پر آئی ایس اے کے کامن رسک مٹی گیشن میکنزم پر بھی گفتگو کی گئی ۔ جس کا مقصد ترقی پذیر ممالک میں شمسی توانئی کے منصوبوں کی سرمایہ کاری کو جوکھم سے محفوظ رکھنا ہے تاکہ اس شعبے میں سرمائے کی دستیابی جاری رہے ۔
اس موقع پر آئی ایس اے پر عمل درآمد کے لئے فرانس کے خصوصی سفیر عزت مآب جناب سیگولن رائل نے خاص طور سے پانچ نکات پر زور دیا جن میں عالمی شمسی توانائی میں اضافہ ،ٹھوس مقاصد کا تعین ، مشترکہ طریقوں کا فروغ اور رابطہ کاری ،منصوبوں کی عمل آوری میں تیزی پی وی سولیوشن کے عدم ارتکاز کے اداروں کے قیام اور ایسی نئی شراکتداریاں شامل ہیں ، جو تکمیلی صلاحیتوں کو اپنی پونجی کے طور پر استعمال کرسکیں ۔واضح ہوکہ آئی ایس اے کا قیام 30 نومبر 2015 کو فرانس کی راجدھانی پیرس میں یواین ایف سی سی سی کانفرنس آف پارٹیز -21 (سی او پی 21 ) کے موقع پر وزیراعظم جناب نریندرمودی اور فرنس کے اس وقت کے صدر مملکت عزت مآب جناب فرینکوئس ہولینڈے کے ذریعہ
