نئی دہلی۔19؍جنوری۔تملناڈو کے وزیر اعلیٰ جناب ا و ۔پنیرسلوم نے آج وزیراعظم جناب نریندر مودی سے ملاقات کی۔ اس ملاقات کے دوران جلّی کٹّو پر سپریم کورٹ کے ذریعے عائد کی گئی پابندی پر بھی گفتگو کی گئی۔
وزیراعظم جناب نریندر مودی نے جلّی کٹّو کی ثقافتی اہمیت کا اعتراف کرتے ہوئے کہا کہ سردست یہ معاملہ عدالت عظمیٰ کے زیر سماعت ہے۔ مرکز ی سرکار اس سلسلے میں ریاستی سرکار کے ذریعے کئے گئے اقدامات کی حمایت کریگی۔ اس کے ساتھ ہی وزیر اعظم نے وزیر اعلیٰ موصوف کو یہ یقین دہانی بھی کرائی کہ تملناڈو کو درپیش خشک سالی کی صورتحال سے مقابلے کیلئے ہرممکن امداد فراہم کرائیگی جائے گی اور ریاست میں جلد ہی مرکزی ٹیمیں تعینات کی جائیں گی۔
