تھاور چند گہلو ت نے‘‘ دوسرے اشاراتی زبان مسابقہ،2019’’ کے فاتحین کو انعامات تقسیم کئے

نئی دہلی، سماجی انصاف اور تفویض اختیارات کی وزارت کے معذور افراد کو بااختیار بنانے سے متعلق محکمہ کے تحت ایک خود مختارادارہ  انڈین سائن لینگویج ریسرچ اینڈ ٹریننگ سینٹر(آئی ایس ایل آر ٹی سی)کے ذریعے اشاراتی زبان کا دن منایا گیا۔اس موقع پر سماجی انصاف اور تفویض اختیارات کے مرکزی وزیر جناب تھاور چند گہلوت مہمان خصوصی تھے، جبکہ سماجی انصاف اور تفویض اختیارات کے وزرائے مملکت جناب کرشن پال گرجر اور جناب رتن لال کٹاریہ مہمانان اعزازی تھے۔علاوہ ازیں اس موقع پر معذور افراد کو با اختیار بنانے سے متعلق محکمےکی سیکریٹری محترمہ شکنتلا ڈی گیملن ، معذور بااختیار بنانے کے محکمے کے سیکریٹری ڈاکٹر پربودھ سیٹھ اور آئی ایس ایل آر ٹی سی کے ڈائریکٹر بھی موجود تھے۔اس موقع پر مختلف ثقافتی پروگراموں اور پرفارمنسز کا بھی اہتمام کیا گیا۔ان پرفارمنسز میں آئی ایس ایل آر ٹی سی کے طلباء اور اساتذہ کے ذریعے آئی ایس ایل میں ڈرامے اور گانے کا پیش کیا جانا شامل ہیں۔ علاوہ ازیں سماعت سے محروم بچوں کو ایوارڈز بھی تفویض کیا گیا۔

اقوام متحدہ 23 ستمبر کو اشاراتی زبان کا بین الاقوامی دن قرار دیا ہے۔19 دسمبر 2017ء کی تاریخ کو اقوام متحدہ کی اسمبلی کے ذریعے اس دن کو باقاعدہ طورپر تسلیم کیا گیا۔اس سال کے یوم اشاراتی زبان کا مرکزی خیال ‘‘سبھی کے لئے اشاراتی زبان کے حقوق’’ہے۔یوم اشاراتی زبان منانے کا مقصد اشاراتی زبان کے تئیں بیداری بڑھانا اور ملک کے ہر ایک فرد تک اشاراتی زبان کو پہنچانا ہے۔

اس موقع پر اظہار خیال کرتے ہوئے جناب تھاور چند گہلوت نے کہا کہ حکومت ہند تمام دویانگ جنوں  یعنی معذور افراد اصل دھارے میں لانے کے تئیں عہد بند ہے۔ انہوں نے آئی ایس ایل آر ٹی سی کی 6000اشاراتی زبان کے الفاظ پر مشتمل ایک ڈکشنری تیار کرنے کے لئے تعریف کی اور امید ظاہر کی کہ 2020ء تک اس ڈکشنری میں مزید 4000نئے اشاراتی الفاظ کا اضافہ کیا جائے گا۔اشاراتی زبانوں کی ایک قدیم تاریخ ہے اور موجودہ عہد میں اس کو ایک جدید طریقہ کار سے تیار کیا جارہا ہے۔ملکی اور بین الاقوامی سطح پر ان اشاراتی زبانوں میں یکسانیت لانے کے لئے بھی کوششیں کی جارہی ہیں۔ انہوں نے دویانگ جن کی فلاح و بہبود کے لئے اپنی وزارت کے متعدد اقدامات کا ذکر کیا۔

اپنے خطاب میں جناب کرشن پال گرجر نے کہا کہ اشاراتی زبانیں سماعت سے محروم افراد کے درمیان ترسیل و ابلاغ کا وسیلہ ہیں۔یہاں تک کہ قدیم عہد میں جب صوتی زبانیں تیار نہیں کی گئی تھیں، لوگ اشاراتی زبانوں کے ذریعے ایک دوسرے کے ساتھ بات چیت کیا کرتے تھے۔

اپنے خطاب میں جناب رتن لال کٹاریہ نے کہا کہ اشاراتی زبانیں بیش قیمت اور مالا مال زبانیں ہیں۔جب ہم اشاراتی زبانوں کے بارے میں گفتگو کرتے ہیں تو ہم ان زبانوں کے ملکوں کی تہذیب و ثقافت کے بارے میں گفتگو کرتے ہیں۔انہوں نے سماج سے محروم افراد کے لئے قابل تعریف خدمات انجام دینے کے لئے آئی ایس ایل آر ٹی سی کی کوششوں کو سراہا۔

اس پروگرام کے دوران دوسرے ہندوستانی اشاراتی زبان مسابقہ 2019ء کے فاتحین کے لئے ایوارڈ کی تقسیم کے لئے ایک تقریب کا بھی انعقاد کیا گیا۔مسابقے کے لئے دہلی-این سی آر میں تعلیم حاصل کررہے سماعت سے محروم طلباء  سے  ہندوستانی اشاراتی زبان میں لطائف ، کہانیاں اور مضامین مدعو کئے گئے تھے۔طلباء نے اپنے لطائف، کہانیوں اور مضامین کے ذریعے اپنی تخلیقی صلاحیتوں اور معلومات کا مظاہرہ کیا۔

دوسرے ہندوستانی اشاراتی زبان مسابقہ 2019ء کے فاتحین