دہلی، ۔جون:صدرجمہوریہ جناب پرنب مکھرجی نے جمہوریہ پرتگال کے قومی دن (10جون ،2017)کے موقع پرپرتگال کی حکومت اور عوام کو مبارکباد اورہدیۂ تہنیت پیش کی ہے ۔
پرتگال کے صدرجناب مارسیلو ری بیلو ڈی سوزا کے نام اپنے پیغام میں صدرجمہوریہ ہند نے کہاہے کہ حکومت ہند ، ہندوستان کے عوام اورمیں خود اپنی جانب سے آپ کے قومی دن کے موقع پر گرم جوشانہ مبارکباد اور ہدیۂ تہنیت پیش کرتے ہوئے مجھے بڑی خوشی ہورہی ہے ۔
بھارت اور پرتگال کے مابین ثقافتی اورتاریخی روابط اورگرم جوشانہ و دوستانہ تعلقات استوار رہے ہیں ۔ ہمارے باہمی تعلقات کو اس سال ماہ جنوری میں پرتگال کے وزیراعظم انٹونیوکوسٹا کے بھارت کے دورے سے مزید استحکام حاصل ہواہے ۔ ہمیں توقع ہے کہ ہمارے دونوں ممالک اس استحکام کو مزید ترقی دینے کے لئے مل جل کرکام کریں گے ۔
عالی جناب آپ اپنی ذاتی صحت اور خیروعافیت نیزپرتگال کے دوست عوام کی ترقی اورخوشحالی کے لئے میری نیک تمنائیں قبول فرمائیں ۔
