نئی دہلی: جواہر لال نہرو پورٹ ٹرسٹ (JNPT) نے اپنی کارپوریٹ سماجی ذمہ داری کے تحت جن شکتی سنستھان (JSS) کے اشتراک سے خواتین کے لئے پیشہ وارانہ تربیتی پروگرام کا آغاز کیا۔ JNPT ہندوستان کا کنٹینر بندوبست والی اہم بندرگاہوں میں سے ایک ہے۔ پیشہ ورانہ تربیتی پروگرام کا افتتاح اس کے چیئرمین جناب سنجے سیٹھی نے گرام پنچایت ، نوین شیوا، ممبئی میں کیا۔
JNPTنے اپنے کارپوریٹ سماجی ذمہ داری فنڈ (CSR) کے تحت رائے گڑھ ضلع میں ایک ہزار مستفدین کے لئے پیشہ ورانہ تربیتی پروگرام کی مد میں پچاس لاکھ روپے کی رقم منظور کی ہے۔ تین مہینے چلنے والے پیشہ ورانہ تربیتی پروگرام میں ہنر مندی کے فروغ اور خواتین کو روزگار سے منسلک ہنر سکھانے پر توجہ دی جائے گی جس سے خواتین کو عام دھارے میں شامل ہونے میں آسانی ہوگی۔ ان پیشوں میں بیوٹی کلچر اور صحت نگہداشت، نرسنگ ہومز میں مددگار، سنیٹری پیڈ کی تیاری، ترکاریوں اور مچھلیوں کو سکھانے ، ورلی پینٹنگ اور اگربتی پیکنگ جیسے ہنر شامل ہیں۔
پہلے مرحلے میں JSS نے رائے گڑھ ضلع میں JNPT کی مدد سے 450 مستفدین کو اٹھارہ کورسوں میں تربیت دی۔ اس اقدام کے موجودہ مرحلے میں تقریبا 400 مستفدین کو رائے گڑھ ضلع میں سولہ مختلف کورسوں میں تربیت دی جائے گی اور پانچ بیچ اورن تعلقہ کے لئے ہوں گے۔
جن شکتی سنستھان ہنرمندی کے فروغ اور انٹر پرنٹرشپ کی وزارت سے منسلک ایک رضاکار تنظیم ہے اور پندرہ برس سے زیادہ عرصے سے ہنرمندی کے فروغ اور روزگار پیدا کرنے کے لئے کام کررہی ہے۔ JSS نے 40 قسم کے کورس چلائے ہیں اور 28 ہزار سے زیادہ امیدواروں کو ٹرینڈ کرچکی ہے۔
