نئی دہلی، جھارکھنڈ اسمبلی انتخابات 2019 کے تیسرے مرحلے میں آج 17 اسمبلی حلقہ انتخاب میں ووٹ ڈالے گئے۔ اس مرحلے میں ریاست کے 8 اضلاع جن کے نام کوڈرما، ہزاری باغ، چترا ،رام گڑھ، گریڈیہہ، بوکارو، سرائے کیلا-کھرساون اور رانچی میں ووٹ ڈالے گئے۔ آج کی پولنگ پرامن رہی ،کہیں سے کسی ناخوشگوار واقع کی اطلاع نہیں ہے ۔ پی ڈبلیو ڈی سمیت معمر شہریوں اور نوجوانوں وغیرہ نے کافی جو ش و خروش کے ساتھ اپنے حق رائے دیہی کا استعمال کیا۔
ووٹنگ کی اہم جھلکیاں حسب ذیل ہیں۔
*7016 پولنگ اسٹیشنوں میں سے 5342 پولنگ اسٹیشنوں (76.14 فی صد) کو کافی حساس قرار دیا گیا تھا ، اس کے لئے سیکورٹی کے معقول انتظامات کئے گئے تھے۔
*188 پولنگ اسٹیشنوں کے لئے دو دن قبل ہی مطلوبہ پولنگ ٹیموں کو روانہ کردیا گیا تھا ۔
*160 پولنگ عملہ کو ان کے پولنگ اسٹیشن پہنچانے کے لئے 3 ہیلی کاپٹر لگائے گئے تھے۔
* الیکشن کے اس مرحلے میں 10365 فوجی رائے دہندگان اور 63616 پی ڈبلیو ڈی ووٹر سمیت ،5618267 ووٹروں نے اپنے حق رائے کا استعمال کیا۔ اس مرحلے میں 32 خاتون امیدواروں سمیت کل 309 امیدواروں نے اپنی قسمت آزمائی۔
*7336 رضا کاروں نے پی ڈبلیو ڈی ووٹروں کو ان کے گھروں سے پولنگ اسٹیشنوں تک لانے میں سہولت بہم پہنچائی۔ ان کی نقل و حمل میں سہولت کے لئے 1953 موٹر گاڑیوں کو لگایا گیا تھا۔ پولنگ اسٹیشنوں پر 3581 وہیل چیئر مہیا کرائے گئے تھے۔
*کمیشن نے پیسے کی طاقت کے غلط استعمال کی روک تھام کے لئے بڑے پیمانے پر میکانزم اپنایا تھا۔ آج تک پوری ریاست میں ضبط کی گئی چیزوں کی مالیت 16.75 کروڑ روپے ہے۔
*اسمبلی انتخابات کے تیسرےمرحلے میں 3 حلقہ انتخابات یعنی 23-رام گڑھ (405 پولنگ اسٹیشن) اور 25 –ہزاری باغ (486 پولنگ اسٹیشن) اور 63-رانچی (370 پولنگ اسٹیشن) میں قطار میں متعدد ووٹروں کی معلومات کے لئے نئے تیار شدہ بوتھ ایپ کا کامیابی کے ساتھ استعمال کیا گیا۔
ووٹروں کی تقریباً تعداد (5 بجے شام)
پریس نوٹ جاری ہونے کے وقت کچھ پولنگ اسٹیشنوں پر ووٹ ڈالنے کا عمل جاری تھا ۔ ووٹ ڈالنے کے ا ٓئے رائے دہندگان کی کل تعداد کا علم پریزائڈنگ آفیسروں کی ڈائری اور دوسرے دستاویزات کی تصدیق اور جانچ کے بعد ہی ہوگا۔ شام پانچ بجے تک موصولہ رپورٹو ں کے مطابق تیسرےفیز میں 17 اسمبلی حلقہ انتخاب میں 62.03 فی صد ووٹر ووٹ ڈالنے آئے ۔ ان 17اسمبلی حلقہ انتخاب میں ایل اے ای ، 14 میں 64.02 فی صد ووٹروں نے وو ٹ ڈالنے آئے تھے۔
ای وی ایم اور وی وی پیٹ
آج ووٹنگ کے دوران کہیں سے بھی ای وی ایم /وی وی پیٹ سےمتعلق کوئی شکایات موصول نہیں ہوئی ہے۔ اب تک موصولہ اعدادوشمار کے مطابق آج 17 اسمبلی حلقہ اسمبلی انتخاب میں 0.43 فی صد بی یو ، 0.44 فی صد سی یو اور 1.13 فی صد وی وی پیٹ بدلے گئے۔
