نئی دہلی، ‘‘ تکنیکی تعلیم کے لئے معیاری اقدامات ’’ کے موضوع پر ایک روزہ کانفرنس کا انعقاد آج یہاں نئی دلّی میں کیا گیا ۔ اس کانفرنس کا اہتمام آل انڈیا کونسل فار ٹیکنیکل ایجوکیشن ( اے آئی سی ٹی ای ) نے کیا تھا ۔ اس کانفرنس میں ، انسانی فروغ وسائل کے مرکزی وزیر جناب پرکاش جاوڑیکر نے بطور مہمانِ خصوصی شرکت کی ۔ ایچ آر ڈی کے وزیر مملکت ڈاکٹر ستیہ پال سنگھ نے بھی اس موقع پر شرکت کی ۔ اس کانفرنس کا مقصد تکنیکی تعلیم میں درپیش چیلنجوں اور مسائل پر ریاستی حکومتوں اور مرکزی حکومتوں کے وائس چانسلروں ، سرکردہ تعلیم دانوں اور پالیسی سازوں کے تجربات اور نظریات کو مشترک کرنا تھا ۔ ان شخصیات کے روشن نظریات سے اسٹریٹیجک منصوبہ بندی اور اے آئی سی ٹی ای کے ذریعہ مختلف پالیسی اقدامات کے موثر نفاذ میں مدد ملے گی ۔
کانفرنس اہم ایجنڈہ درج ذیل ہے :
- معیاری تعلیم پر اے آئی سی ٹی ای کے ذریعہ لئے گئے اقدامات کا نفاذ ۔
- ٹیکنیکل ایجوکیشن کوالٹی امپروومنٹ پروگرام ( ٹی ای کیو آئی پی ) III۔ عملی منصوبہ ۔
- ماڈل نصاب کا آغاز اور عملی منصوبے کا نفاذ ۔
- ڈجیٹل کیمپوں کے لئے عملی منصوبہ ۔
- این بی اے کے ذریعہ الحاق ۔ پروگریس اور پلان آف ایکشن ۔
- ٹیچر ٹریننگ ۔
کانفرنس میں شرکت کرنے والوں میں تکنیکی یونیورسٹیوں کے وائس چانسلرس ، ڈیمڈ یونیورسٹیوں اور پرائیویٹ یونیورسٹیوں کے وائس چانسلرس ، ریاستی سرکاروں کے تکنیکی تعلیم کے سکریٹری اور ڈائریکٹرس ، سرکردہ تعلیم داں ، معروف ماہرین ، جنہوںن ے انڈر گریجویٹ ، پوسٹ گریجویٹ ، انجینئرنگ اور مینجمنٹ کورسوں کے لئے نصاب تشکیل دیا ، شامل ہیں ۔ اس کے علاوہ ، فروغ انسانی وسائل کے سنیئر حکام بھی اس کانفرنس میں شریک ہوئے ۔
