نئی دہلی، کسی سرکاری ملازم کے فوت ہونے کے بعد اگر وہ مصروفِ خدمت رہتے ہوئے فوت ہو گیا ہو ، اُس صورت میں اُس کے کنبے کو مرکزی سول سروسز ( پنشن ) قواعد ، 1972 کے قاعدہ نمبر 54 کے مطابق کنبہ جاتی پنشن ملتی ہے ۔ یہ پنشن اب تک اُس کی آخری تنخواہ کے 50 فی صد کے بقدر 10 برسوں کے لئے اُس صورت میں واجب الادا ہوتی تھی ، جب کہ متوفی سرکاری ملازم نے لگاتار 7 برس سے زائد کی خدمات انجام دی ہوں ۔ بعد ازاں ، کنبہ پنشن آخری تنخواہ کے 30 فی صد کے لحاظ سے ادا کی جاتی تھی ۔ اگر سرکاری ملازم نے 7 برس سے کم کی خدمت انجام دی ہو ، یعنی فوت ہونے سے پہلے اُس کی خدمات کے 7 برس پورے نہ ہوتے ہوں ، تو کنبہ پنشن کی شرحیں ابتدا میں 30 فی صد ہوتی تھیں اور کنبہ پنشن کی شرحیں آخری تنخواہ ، جو اس نے حاصل کی ہو ، اس کی 50 فی صد کے حساب سے نہیں دی جاتی تھی ۔
حکومت نے محسوس کیا کہ اضافی شرحوں پر کنبہ پنشن کی ضرورت کسی ایسے متوفی سرکاری ملازم کے سلسلے میں ہو سکتی ہے ، جو اپنے کیریئر کے آغاز میں ہی فوت ہو گیا ہو کیونکہ اس کی ابتدائی مراحل کی خدمات کی تنخواہ خاصی کم ہوتی ہے۔ لہٰذا ، حکومت نے مرکزی سول سروسز (پنشن ) قواعد ، 1972 کے قاعدہ نمبر 54 میں 19 ستمبر ، 2019 ء کو جاری کئے گئے ایک نوٹفکیشن کے مطابق ترمیم کر دی ہے ۔ اس طرح ترمیم شدہ قاعدہ نمبر 54 کے مطابق کوئی ایسا سرکاری ملازم ، جو سروس میں شمولیت کے سات برسوں کے اندر فوت ہو گیا ہو ، اس کے کنبے کو بھی آخری حاصل کی گئی تنخواہ کی 50 فی صد کی شرح سے 10 برسوں کی مدت کے لئے کنبہ پنشن حاصل کرنے کا حق ہو گا ۔
مذکورہ ترمیم یکم اکتوبر ، 2019 ء سے نافذ العمل ہو گی ۔ تاہم ایسے سرکاری ملازمین جو اپنی خدمات کے ساتھ برس مکمل کرنے سے قبل فوت ہو گئے ہوں ، یعنی یکم اکتوبر ، 2019 ء سے 10 برسوں کے اندر ہی فوت ہو گئے ہوں ، اُن کے کنبے بھی یکم اکتوبر ، 2019 ء سے بڑھی ہوئی شرحوں کے مطابق کنبہ پنشن حاصل کرنے کا حق حاصل ہو گا ۔
ترمیم شدہ تجاویز کے فوائد سی اے پی ایف کے عملے سمیت تمام سرکاری ملازمین کے کنبوں کے لئے دستیاب ہوں گے ۔ یعنی اگر کسی سرکاری ملازم کی موت سرکاری ملازمت حاصل کرنے کے بعد سات برسوں کے اندر واقع ہو گئی ہو ، تو اس کے کنبے کو یہ فوائد حاصل ہو سکیں گے۔
