دھان کے ایم ایس پی میں فی کوئنٹل 65 روپئے ، جوار کے لئے 120 روپئے اور راگی کے لئے فی کوئنٹل 253 روپئے کا اضافہ کیا گیا

نئی دہلی، کسانوں کی آمدنی  میں نمایاں طور پر اضافہ کرنے کے لئے وزیر اعظم نریندر مودی کی صدارت میں منعقدہ اقتصادی  امور سے متعلق کابینہ کمیٹی نے  سیزن ، 20-2019 ء کے لئے تمام خریف فصلوں کی کم از کم امدادی قیمتوں  ( ایم ایس پی ) میں اضافے کو منظوری دے دی ہے ۔

          اس قدم سے  کسانوں کے لئے یقینی  منافع  کے ذریعے  سرمایہ  کاری اور پیداوار میں اضافہ ہو گا ۔

تفصیلات :

          فصل سیزن ، 19-2018 ء کی تمام خریف فصلوں کے لئے  کم از کم امدادی قیمت ( ایم ایس پی )  میں  حسب ذیل اجافہ کیا گیا ہے :

• فصل سیزن ، 20-2019 ء میں خریف فصلوں کے لئے حکومت نے سویابین کی ایم ایس پی میں فی کوئنٹل   311 روپئے کا اضافہ کیا ہے۔  سورج مکھی کے لئے فی کوئنٹل 212 روپئے ، تِل کے ایم ایس پی میں 236 روپئے کا اضافہ کیا گیا ہے  ، جو کہ کسانوں کی آمدنی بڑھانے کے لئے ایک بڑھا قدم ہے ۔
• حکومت نے ارہر دال کی ایم ایس پی میں فی کوئنٹل 125 روپئے اور اڑد کے دال کے ایم ایس پی میں 100 روپئے فی کوئنٹل کا اضافہ کیا ہے ۔  اس سے آبادی کے ایک بڑے طبقے کی تغذیاتی ضرورتوں اور پروٹین کی ضرورتوں کی تکمیل   کی ضرورت کے پیش نظر دالوں کی مانگ سے متعلق مسئلے حل ہوں گے ۔
• جوار کے ایم ایس پی میں  فی کوئنٹل 120 روپئے کا اضافہ کیا گیا ہے ، جب کہ راگی کے ایم ایس پی میں فی کوئنٹل 253 روپئے کا اضافہ کیا گیا ہے ۔ اس قدم سے کاشت کاری کو فروغ  اور مقوی موٹے اناج کے کھپت   کی ضرورت پوری ہو گی ۔ اس کے علاوہ ، ہندوستان   نے 2018 ء کو جوار کے سال  کے طور پر منایا   اور  خوراک اور زراعت کی تنظیم نے بھی 2023 ء کو  جوار کے بین الاقوامی سال کے طور پر منانے کی ہندوستان  کی تجویز کو منظوری دی ہے ۔
• کپاس  ( درمیانی   ) اور کپاس  ( طویل  ) کے لئے ایم ایس پی میں بالترتیب  105 روپئے اور 100 روپئے فی کوئنٹل کا اضافہ کیا گیا ہے۔
• باجرہ کے لئے کسانوں کی پیداواری لاگت کا سب سے زیادہ منافع 85 فی صد  ہے ۔ اس کے بعد اڑد کا نمبر آتا ہے ، جو 64 فی صد اور ارہر 60 فی صد ہے  ۔

فصل سیزن 20-2019 ء کی تمام خریف فصلوں کے لئے کم از کم امدادی قیمت حسب ذیل ہے :