نئی دہلی، ریل سیفٹی کے تعلق سے صلاحیت سازی سے متعلق پروجیکٹ کے لئے آج ریلویز کی وزارت اور جاپان انٹرنیشنل کوآپریشن ایجنسی کے درمیان ریکارڈ آف ڈسکشن ( آر او ڈی) پر دستخط کئے گئے۔ ریلوے بورڈ کے پرنسپل ایگزیکٹیو ڈائریکٹر جناب ایس کے مشرا اور جاپان انٹرنیشنل کوآپریشن ایجنسی کے چیف ریپریزینٹیٹیو جناب کاتسو ماتسو موتو نے اس سی آر او ڈی پر دستخط کئے ۔ اس موقع پر ریلوے بورڈ ، محکمہ اقتصادی امور اور جاپان انٹرنیشنل کوآپریشن کے اہلکار موجود تھے۔ یہ آر او ڈی اس معاہدے کو باقاعدہ شکل دیتا ہے جس پر ہندستان کی ریلویز کی وزارت اور جاپان کی زمین ، بنیادی ڈھانچہ ، نقل و حمل اور سیاحت کی وزارت (ایم ایل آئی ٹی) کے مابین 17 فروری 2107 کو دستخط شدہ میمورنڈم آف کوآپریشن (ایم او سی) کے ذریعہ اتفاق ہوا تھا تاکہ ہندستانی ریلویز کے شعبے میں مشترکہ طور پر کام کیا جاسکے اور ریلوے سیفٹی کو بہتر بنانے کے کا م میں باہمی تعاون ہوسکے۔ آ ر او ڈی کے ذریعہ ایسی سرگرمیوں کا تعین کیا جاتا ہے جو اس پروگرام کے تحت انجام دی جانی ہیں اور جس میں خصوصی توجہ ٹریک (ویلڈنگ) ، ریل انسپیکشن ، ٹریک سرکٹ وغیرہ ) اور رالنگ اسٹاک کے رکھ رکھاؤ پر دی گئی ہے۔
اس پروگرام کو حتمی شکل دینے کے لئے دونوں فریقوں نے کافی محنت کی۔ جاپان کے ایم ایل آئی ٹی ، ریلوے ٹیکنیکل انسٹی ٹیوٹ ، ایسٹ جاپان ریلوے کمپنی (جے آر ایسٹ) ویسٹ جاپان ریلوے کمپنی (جے آر ویسٹ) پر مشتمل جاپان کے ٹی او آر مشن اور انڈین ریلوے فریٹ (آئی آر فریٹ) میں اس مقصد کے لئے اگست اور نومبر 2017 کے درمیان تین بار ہندستان کا دورہ کیا۔ اس بات پر اتفاق ہوا تھا کہ شمالی ریلوے اور ڈیڈیکیٹیڈ فریٹ کوریڈور کارپوریشن آف انڈیا لمیٹیڈ (ڈی ایف سی سی آئی ایل) کوآپریشن پروگرام کے تحت فوائد کے حصول کے مجاز ہوں گے۔ جاپانی ٹیم ڈی ایف سی سی آئی ایل اور شمالی ریلوے کی سیفٹی ، سول انجینئرنگ اور رالنگ اسٹاک سے متعلق ٹیموں کے ساتھ مل کر کا م کرے گی۔ اس کے بعد ہندستان کا 60 افراد پر مشتمل تکنیکی عملہ جاپان میں براہ راست ٹریننگ لے گا۔ ڈی ایف سی سی آئی ایل کو سیفٹی پروجیکٹ میں شامل کیاگیا ہے تاکہ کمپنی اس کے آپریشن کے معائنہ سے حاصل ہونے والی معلومات کا استعمال کرسکے ۔ یہ آپریشن رواں مالی سال انجام دیا جانا ہے۔ یہ پروگرام دو برسوں تک جاری رہے گا اور توقع ہے کہ اس سے سیفٹی منجمنٹ اور انڈین ریلویز کے فرنٹ لائن منٹیننس اسٹاف کی تکنیکی صلاحیت کے اپ گریڈیشن کے شعبوں میں خاطر خواہ مدد ملے گی۔
