زیادہ نقد رقم کے لین دین والے این ایچ اے آئی کے 65 ٹول پلازا پر فاسٹیگ ضابطوں میں نرمی کی گئی

نئی دہلی، سڑک ٹرانسپورٹ اور  شاہراہوں کی وزارت نے  زیادہ نقد رقم  کے لین دین والے این ایچ اے آئی کے 65 ٹول پلازا پر آج سے  30 دن کے لئے  فاسٹیگ فیس والی لین  کے اعلان سے متعلق ضابطوں میں نرمی کرنے کا فیصلہ کیا ہے ۔ اس عرصے کے دوران متعلقہ ٹول پلازا کو اجازت دی گئی ہے کہ وہ اپنی  فیس والی تمام لین میں سے  25 فی صد کو ہائیبرڈ ( نقد اور فاسٹیگ  ) کی لینوں میں  تبدیل کر سکتے ہیں ۔

          یہ اقدام   شناخت شدہ 65 پلازاؤں پر نقد رقم کے لین دین پر  این ایچ اے آئی کی تشویش کے پیشِ نظر اٹھایا گیا ہے ۔  این ایچ اے آئی نے   کہا ہے کہ   زیادہ تر فیس پلازا ایک ہائبرڈ والی لین پر کام کر رہے ہیں ، جب کہ   اِس بات کی کوششیں  کی جا رہی ہیں کہ زیادہ فیس پلازا  کام میں  لائے جا سکیں ۔ انہوں نے کہا کہ  شناخت شدہ فیس پلازا پر  ہائبرڈ لین میں ٹریفک کا زبردست رَش کا سامنا کرنا پڑتا ہے ۔

          شہریوں کو  پریشانی سے  بچانے کے مقصد سے وزارت نے فیصلہ کیا ہے کہ ٹریفک   کی بھیڑ  کو دیکھتے ہوئے  یہ 65 فیس پلازا  اپنے   کچھ فیس پلازا کو ہائبرڈ لین میں تبدیل کر سکتے ہیں لیکن یہ فاسٹیگ لین کی  25 فی صد سے زیادہ  نہیں ہونی چاہیئے ۔ اس بات پر غور  کیا گیا ہے اور فیصلہ کیا گیا ہے کہ   فاسٹیگ  لین کو  عارضی طور پر فیس لین میں تبدیل کیا جائے ۔  وزارت نے این ایچ اے آئی  کو یہ ہدایت دی ہے کہ وہ یومیہ بنیاد پر صورت حال کا جائزہ لے اور ضروری اقدامات کرے  اور وزارت کو یومیہ بنیاد پر   اِس  کی مختصر رپورٹ پیش کرے ۔

وزارت نے این ایچ اے آئی سے یہ بھی کہا ہے کہ وہ اِس بات کو یقینی بنائے  کہ فاسٹیگ والی لینوں کو  فیس پلازا میں کم از کم تعداد میں ہائبرڈ لینوں میں عارضی طور پر تبدیل کیا جائے ۔  اس کے علاوہ ، ان 65 فیس پلازا میں کم از کم 75 فی صد  کو فاسٹیگ لین میں ہی چالو رکھا جائے تاکہ فاسٹیگ والی موٹر گاڑیوں کو ترغیب دی جا سکے ۔

وزارت نے اِس بات پر زور دیا ہے کہ یہ ایک عارضی اقدام ہے اور اِسے صرف 30 دن کے لئے اجازت دی گئی ہے اور یہ صرف 65 فیس پلازاؤں کے لئے ہے تاکہ  ٹریفک کی بلا رکاوٹ آمد و رفت میں مدد فراہم کی جا سکے  اور شہریوں کو کسی بھی قسم کی  تکلیف نہ ہو ۔ این ایچ اے آئی اس عرصے کےدوران  ، اِس بات کو یقینی بنانے کے لئے ضروری اقدامات کرے گی کہ فیس پلازا پر ٹریفک کی آمد و رفت بلا رکاوٹ جاری رہے  اور اس عرصے کے دوران  تمام فیس پلازا کو  فاسٹیگ پلازا  والی لین  قرار دیا جا سکے ۔