سری نگر اور اودھم پور پارلیمانی حلقوں میں عام انتخابات 2019 کے دوسرے مرحلے کے تحت 18 اپریل کو ووٹ ڈالے جائیں گے گزشتہ عام انتخابات کے مقابلے رائے دہندگان کی تعداد میں 10.6 فیصد کا اضافہ

نئی دہلی، عام انتخابات 2019 کے دوسرے مرحلے کے تحت  سری نگر اور اودھم پور پارلیمانی حلقوں میں  18 اپریل 2019 کو  ووٹ ڈالے جائیں گے۔  یہ دونوں  پارلیمانی حلقے  9 اضلاع پر مشتمل ہیں۔  سری نگر پارلیمانی  حلقہ (پی سی نمبر -2)  میںگاندربل ، سری نگر  اور بڈگام  اضلاع شامل ہیں،جبکہ اودھم پور پارلیمانی حلقہ ( پی سی نمبر -5 ) میں کشتواڑ  ، ڈوڈ ہ، رام بن ،  ریاسی،  اودھم پور  اور کٹھوعہ اضلاع  ہیں۔ دوسرے مرحلے کے تحت  یہ  دونوں پارلیمانی حلقے  عام زمرے کے ہیں۔

 جموں وکشمیر کے  چیف الیکشن آفیسر  کی ویب سائٹ سے  آج  حاصل ہونے والے   اعداد وشمار کے مطابق  ان دو پارلیمانی حلقوں میں  رائے دہندگان کی کُل تعداد  2960027 ہے۔ ان میں سے  1543571  عام زمرے کےمرد  رائے دہندگان  ، 1416387  عام زمرے کی خواتین رائے دہندگان اور  69  عام زمرے کےمخنث رائے دہندگان ہیں۔ مزید برآں دوسرے مرحلے میں  21056 فوجی  ملازمین پر مشتمل رائے دہندگان اور  16528 معذور   وں  پر مشتمل رائے دہندگان ہیں۔ اس مرحلے کے لئے  کُل 4426 پولنگ مراکز قائم کئے گئے ہیں۔

تفصیلات درج ذیل ہیں:

(ماخذ

– چیف الیکشن آفیسر ، جموں و کشمیر کی ویب سائٹ)

الیکشن کمیشن آف انڈیا  کی ویب سائٹ کے اعد اد وشمار سے واضح ہوتا ہے کہ  عام انتخابات 2014 میں ان دو پارلیمانی حلقوں میں  کل  2676302 رائے دہندگان تھے۔ گزشتہ عام انتخابات کے مقابلے میں  عام  انتخابات 2019 کے دوران  رائے دہندگان کی یہ تعداد  بڑھ کر  2960027 ہو گئی ہے ۔  283725 رائے دہندگان کا اضافہ ہوا ہے ، جو کہ  پچھلے عام  انتخابات کے مقابلے 10.6 فیصد زیادہ ہے۔

ان دو پارلیمانی حلقوں میں  ایک دلچسپ پہلو یہ ہے  کہ  گزشتہ عام انتخابات کے دوران سری نگر پارلیمانی حلقے میں  ملک کے اندر  سب سے کم  ووٹنگ    25.86 فیصد  ریکارڈ کی گئی   تھی ، جب کہ اودھم پور پارلیمانی حلقے میں 70.95 فیصد پولنگ ہوئی تھی۔

مرحلہ  دوم کے تحت الیکشن کمیشن  آف انڈیا  کی ویب سائٹ  پر دستیاب فارم 7-اے کی تفصیلات کے مطابق  سری نگر پارلیمانی حلقے میں  مختلف سیاسی پارٹیوں کے  کُل 12 امیدوار  اپنی قسمت آزمارہے ہیں ۔ اسی طرح اودھم پور پارلیمانی حلقے میں بھی  کُل  12 امیدوار انتخابی میدان میں ہیں ۔

مرحلہ دوم کے تحت  ہر ایک پارلیمانی حلقے میں اپنی قسمت آزمانے والے امیدواروں کی  فہرست  سیاسی پارٹی کے لحاظ سے  درج ذیل ہے۔