نئی دہلی، ریٹرن نہ داخل کرنے والوں کی نگرانی نظام ( این ایم ایس ) کا مقصد ایسے افراد کی نشاندہی اور نگرانی کرنا ہے ، جو بڑی رقومات کا لین دین کرتے ہیں اور جن پر ٹیکس واجب الادا ہوتا ہے لیکن وہ اپنا ٹیکس ریٹرن داخل نہیں کرتے ۔ ریٹرن نہ داخل کرنے والوں کی نشاندہی کے لئے ایسی مخصوص معلومات کے بارے میں تجزیہ کیا جاتا ہے ، جو انکم ٹیکس محکمے کے ڈاٹا بیس میں دستیاب ہوتی ہے ۔ معلومات کے ذرائع میں مالی لین دین کا اسٹیٹمنٹ ( ایس ایف ٹی ) ، سورس پر ٹیکس کی کٹوتی ( ٹی ڈی ایس ) ، سورس پر ٹیکس کی وصولی ( ٹی سی ایس ) ، بیرونی ملکوں میں رقومات کی ادائیگی کے بارے میں معلومات ، درآمدات و برآمدات کے اعداد و شمار وغیرہ شامل ہیں ۔
ڈاٹا کے تجزیہ سے ظاہر ہوتا ہے کہ کئی افراد نے ٹیکس ریٹرن داخل نہیں کیا ہے ، جنہوں نے سال 18-2017 ء میں بڑی رقم کے لین دین کئے تھے لیکن اب تک انہوں نے سال 19-2018 ء کا انکم ٹیکس ریٹرن داخل نہیں کیا ہے ۔
جن لوگوں نے ریٹرن داخل نہیں کیا ہے ، اُن سے درخواست کی جاتی ہے کہ وہ مالی سال 19-2018 ء کے لئے اپنی ٹیکس سے متعلق تجزیہ کریں اور اپنا انکم ٹیکس ریٹرن داخل کریں یا 21 دن کے اندر اس کا جواب دیں ۔ اگر اُن کی طرف سے کی گئی وضاحت قابلِ اطمینان ہے تو یہ معاملہ آن لائن بند کر دیا جائے گا ۔ البتہ ایسے معاملے میں ، جہاں کوئی ریٹرن داخل نہیں کیا گیا ہے یا اُن کا جواب قابلِ تشفی نہیں ہے ، اُن کے خلاف انکم ٹیکس ایکٹ ، 1961 کے تحت کارروائی پر غور کیا جائے گا۔
