نئی دہلی، شاہراہوں کی ہندستان کی قومی اتھارٹی (این ایچ اے آئی) نے نومبر 2017 تک 4900 کلو میٹر کے پروجیکٹوں کے لئے بولیاں مدعو کی ہیں۔ جبکہ دسمبر کے آخر تک مزید 3500 کلو میٹر پروجیکٹوں کے لئے بولیاں لگائے جانے کا امکان ہے۔ جنوری سے مار چ2018 کے دوران بولیوں کے لئے مزید پروجیکٹوں کی دسمبر 2017 کے تقریباً چوتھے ہفتے میں نشاندہی کی جائے گی۔ اب تک 22100 کروڑ کی لاگت کے پروجیکٹوں جس کے تحت 1170 کلو میٹر کا احاطہ ہوتا ہے ، کے لئے پہلے ہی ٹھیکہ دیا گیا ہے اور دیگر کئی پروجیکٹوں کے لئے جو بولیاں وصول ہوئی ہیں ان کا جائزہ لیا جارہا ہے۔
کچھ پروجیکٹ، جن کے لئے ا س سال بولی لگائی گئی تھیں ،حسب ذیل ہیں۔
*دہلی میں دوارکا ایکسپریس وے
*اترپردیش میں ورانسی رنگ روڈ فیس 2
*مہاراشٹر میں پونے –ستارہ سیکشن پر کھمباتکی گھاٹ 6 لین والی سرنگ
*راجستھان میں جودھپور رنگ روڈ
*بہار میں صاحب گنج کے نزدیک منیہاری پل
*جھارکھنڈ میں چھوردھا گورہر بروا اڈہ کی 6 لیننگ
*مغربی بنگال میں گھوش پھوکر سلاساباری کی چار لیننگ
*مدھیہ پردیش میں بھوپال بیاورہ کی چار لیننگ
*اڈیشہ میں کٹک –انگل سیکشن کی چار لیننگ
*کرناٹک میں بنگلورو میسور سیشکن کی چھ لیننگ
*آندھراپردیش میں وشاکھاپٹنم بندرگاہ کے لئے کنٹی ویٹی کے ساتھ پوری طرح قابل رسائی ایکسپریس وے
18-2017 مالی سال میں این ایچ اے آئی نے نومبر 2017 تک نفاذ کے تحت 1566 کلو میٹر لمبے پروجیکٹ مکمل کئے ۔ این ایچ اے آئی کے ذریعہ گزشتہ پانچ سال میں اوسطاً 2175 کلو میٹر لمبے پروجیکٹ مکمل کئے گئے ۔ جبکہ 17-2016 میں 2682 کلو میٹر لمبے پروجیکٹ تعمیر کئے گئے تھے۔ اس سال این ایچ اے آئی 3500 کلو میٹر تعمیر کرنے کا نشانہ ہے۔
597 کلومیٹر کا احاطہ کرتے ہوئے 12 نئے پروجیکٹوں پر کام شرو ع ہوگیا ہے اور مزید 18 پروجیکٹوں پر کام جلد شروع ہوگا اس کے تحت 969 کلو میٹر کا احاطہ ہوگا۔ بینک /مالی ادارے اب ہائی بریڈ اینوٹی موڈ میں دلچسپی دکھا رہے ہیں ۔
ایک قومی شاہراہوں کی اتھارٹی اے این ایچ آئی 18-2017 کے دوران دس ہزار کلو میٹر کا ٹھیکہ دینے کے اپنے نشانے کو حاصل کرنے کے بھر پور کوششیں کررہی ہے۔ یہ نشانہ سڑک ٹرانسپورٹ اور شاہراہوں ، جہاز رانی، آبی وسائل، دریا کی ترقی اور گنگا کی صفائی ستھرائی کے مرکزی وزیر جناب نتن گڈکری نے طے کیا ہے۔ اتھارٹی آئندہ پانچ سالو کے اندر حال ہی میں منظور کردہ بھارت مالا پری یوجنا کے پہلے مرحلے کو مکمل کرنے کے اپنے نشانہ کو پورا کرنے کی بھی تیاری کررہی ہے۔ گزشتہ پانچ سال کے دوران این ایچ اے آئی نے اوسطاً 2860 کلو میٹر کا ٹھیکہ دیا۔ یہ ٹھیکہ 17-2016 میں دیا گیا۔
بھارت مالا پریوجنا کو منظوری دیتے ہوئے حکومت نے این ایچ اے آئی بورڈ کو یہ اختیار دیا تھا کہ وہ انجینئرنگ، خریداری اور تعمیری موڈ سے متعلق پروجیکٹوں کو منظوری دےاور ان کا اندازہ مقرر کرے ۔ این ایچ اے آئی بورڈ نے پانچ سو کروڑ روپے سے زیادہ کے لئے پروجیکٹوں کا اندازہ مقرر کرنے کے لئے دو اپریزینگ کمیٹیاں تشکیل د ی تھیں۔
اپریزنگ کمیٹیوں نے بہت سے پروجیکٹوں کو منظوری دے دی ہے جس کے نتیجے میں بولیوں میں ا ور ان کو وصول کئے جانے میں تیزی آرہی ہے۔ این ایچ اے آئ کے چیرمین ہفتہ کی بنیاد پر نشانوں کا جائزہ لے رہے ہیں ۔ علاقائی افسران کو ہدایت دی گئی ہے کہ وہ ہر پروجیکٹ کے لئے اے ڈی ایم کے درجہ کے ریٹائرڈ ریونیو افسروں کی خدمات حاصل کریں تاکہ زمین کی حصولی کے کا م میں تیزی لائی جاسکے۔ این ایچ اے آئی کے سائیڈ افسروں کو ہدایت دی گئی ہے کہ وہ بولیاں حاصل ہونے تک ریاستی سرکاروں کے متعلقہ افسروں کے ساتھ میٹنگ کریں اور ان کے ساتھ بیٹھیں۔
