نئی دہلی، یوم آئین کے موقع پر شمال مشرقی خطے کی ترقی کی وزارت کے تمام افسران اور عملے کے افراد نے عزت مآب صدر جمہوریہ ہند جناب رام ناتھ کووند کی طرف سے پڑھے گئے ابتدائیے میں شرکت کی۔
اس موقع پر ایک ویبینار بھی منعقد کیا گیا جس کا موضوع تھا ’’درجِ فہرست قبائل کے سلسلے میں آئینی تحفظات‘‘۔ جناب رابیندر گریمیلا، جوائنٹ سکریٹری (ریٹائرڈ)، لوک سبھا سکریٹیریٹ اہم مقرر تھے۔ شمال مشرقی خطے کی ترقی کی وزارت کے تمام افسران اور اس کی تنظیم کے افسران نے بھی ویبینار میں شرکت کی۔ بات چیت کے دوران جناب کے موزس چلائی، سکریٹری، این ای سی نے کہا کہ شمال مشرقی خطے کی ترقی کی وزارت تمام محروم علاقوں، معاشرے کے کمزور/ نظر انداز کیے ہوئے طبقوں اور شمال مشرقی ریاستوں میں ابھرتے ہوئے ترجیحی سیکٹروں کی مخصوص ترقی کے لیے کام کر رہی ہے۔
اس موقع پر وزارت کے احاطے میں بھارت کے بنیادی حقوق کے بارےمیں پوسٹر، تصویریں اور کتبے وغیرہ لگائے گئے تھے۔
