نئی دہلی: سیاحت، ثقافت اور ڈی او این ای آر (ڈونر) کے مرکزی وزیر جناب جی کشن ریڈی نے آج گواہاٹی میں کانفرنس کے افتتاحی اجلاس سے خطاب کرتے ہوئے کہاکہ سیاحت کا شعبہ منظر نامہ کو یکسر تبدیل کرنے کا باعث ہوسکتا ہےجو ملک میں بالخصوص شمال مشرقی خطے میں سماجی اقتصادی تبدیلی لاسکتا ہے۔ یہ دو روزہ کانفرنس شمال مشرقی ریاستوں کی سیاحت اور ثقافت کی وزارتوں کی طرف سے سیاحت،ثقافت اور ڈی او این ای آر کے وزیر کی صدارت میں منعقد کی گئی تھی۔ جس کا مقصد شمال مشرقی خطے میں سیاحت کے فروغ اور کنکٹیویٹی سے متعلق معاملات پر تبادلہ خیال کرناتھا۔آسام کے وزیراعلی ہمنت بسوا سرما، ثقافت اور پارلیمانی امور کے مرکزی وزیرمملکت جناب ارجن رام میگھوال اور سیاحت اور دفاع کے مرکزی وزیرمملکت جناب اجے بھٹ کانفرنس کے افتتاحی اجلاس میں شامل ہوئے۔
فورم سے خطاب کرتے ہوئے جناب جی کشن ریڈی نے کہا کہ سودیش درشن اسکیم کے تحت وزارت نے شمال مشرقی خطے میں 16 پروجیکٹوں کو منظوری دی ہے۔ جس میں سیاحت سرکٹوں پر مبنی مربوط ترقیات کے موضوع پر توجہ مرکوز کی گئی ہے۔ انہوں نے مزید کہا کہ ان کی وزارت شمال مشرقی خطے میں ترقیات کے بنیادی ڈھانچےکے فروغ ، بنیادی صلاحیت اور ہنر پر خصوصی توجہ مرکوز کر رہی ہے۔انہوں نے کہا کہ سیاحت کی وزارت مختلف اسکیموں اور فلیگ شپ اقدامات کے ذریعہ شمال مشرقی خطے کو برانڈنگ اور مارکیٹنگ مدد بھی فراہم کررہی ہے۔
جناب ریڈی نے بتایا کہ پرشاد اسکیم کے تحت ان کی وزارت نے خطے میں بہت سے پروجیکٹوں کو منظوری دی ہے۔ انہوں نے مزید کہا کہ ان پروجیکٹوں کے لئے مجموعی طورپر 200 کروڑ روپے منظوری دی گئی ہے۔
ڈی او این ای آر وزارت کے تحت کئے گئے اقدامات کے بارے میں بات کرتے ہوئے وزیر موصوف نے مطلع کیا کہ 2022-2021 کے بجٹ میں شمال مشرقی ریاستوں کے لئے مختص کیا گیا بجٹ 68,020 کروڑ روپے بقدر ہے۔انہوں نے خطے میں سبھی ریاستی حکومتوں سے زور دے کر کہا کہ وہ قابل عمل تجاویز پیش کریں، تاکہ مختلف وزارتوں کو مختص کی گئی پوری رقم کو کامیابی کے ساتھ استعمال کیا جاسکے۔
آسام کے وزیر اعلی ہیمنت بسوا سرما نے کہا ہے کہ شمال مشرق زون میں سیاحت کے سیکٹر کے فروغ کے لئے مجموعی موقف اپنائے جانے کی ضرورت ہے۔ کل ملا کر کہ یہ شمال مشرق کو برانڈ کے طور پرترقی دی گئی ہے انہوں نے مزید کہا کہ کنکٹیویٹی اور بنیادی ڈھانچے کی سہولیات کو فروغ دیئے جانے کی ضرورت ہے۔
ثقافت اور پارلیمانی امور کے مرکزی وزیرمملکت جناب ارجن رام میگھوال نے اپنے خطاب میں کہا کہ اس کانفرنس میں سب سے اہم موضوع سیاحت کا فروغ ہے اور شمال مشرق میں اس کے بھرپور مضمرات موجود ہے۔ انہوں نے مزید کہا کہ شمال مشرقی ریاستوں نے مختلف سیکٹروں میں اپنی خود کی شناخت کرائی ہے اور ہر ریاست میں اس کی ایک اپنی منفرد ہنر کی صلاحیت اور مضمرات موجود ہیں۔ یہ بتاتے ہوئے کہ شمال مشرق میں بنیادی ڈھانچے کی ترقی سے سیاحت کو فروغ حاصل ہوگا۔ وزیر موصوف نے کہا کہ سیاحت کے سیکٹر میں فروغ سے دیگر معاون سیکٹروں کے فروغ میں از خود مدد حاصل ہوگی اور اس سے ملک کی ترقی میں مددملے گی۔
وزیراعظم جناب نریندر مودی کے ویژن کے بارے میں بات کرتے ہوئے انہوں نے کہا ہمارے وزیراعظم کے مطابق بھارت کےشمال مشرقی خطے کی مجموعی ترقی کے بغیر ملک کی مجموعی ترقی ممکن نہیں ہے۔
سیاحت اور دفاع کے مرکزی وزیرمملکت جناب اجے بھٹ نے کہا کہ وزیراعظم نریندر مودی کی قیادت میں ملک کے ہر سیکٹر میں ترقی نظر آرہی ہے۔
آج کی تقریب میں سیاحت کی وزارت اور آئی آر سی ٹی سی کے مابین گھریلو سیاحت کے فروغ اور نئی سیاحتی مصنوعات کے فروغ سے متعلق ایک مفاہمتی عرضداشت پر دستخط کئے گئے۔
خطے میں مختلف مرکزی وزارتوں اور ریاستی حکومتوں کے سینئر عہدےداروں اور ساتھ ہی ساتھ صنعتی نمائندوں نے اس کانفرنس میں شرکت کی۔اس کانفرنس کا مقصد شمال مشرقی خطے کی ترقی کے لئے مرکزی حکومت کی جانب سے لئے گئے مختلف اقدامات اور کئی پروجیکٹوں کے بارے میں شرکاء کو واقف کرانا تھا۔
