نئی دہلی۔ نائب صدر جمہوریہ جناب ایم وینکیا نائيڈ ونے کہا کہ صحت مند رہنے کے لئے سائیکل چلانے کو سب سے بہتر ورزش ہے۔ ایسے ماحول دوست ذریعہ ٔ نقل و حمل کو اپنانے کے لیے لوگوں کی حوصلہ کی جانی چاہیے ۔
آج یہاں پہلے ورلڈ سائیکل دن کے موقع پر سائیکل ریلی اور اسمارٹ سائیکل اسٹینڈکے آغاز کے بعد سائیکل سواروں اور ماحولیاتی ماہرین سے خطاب کرتے ہوئے کہا کہ نائب صدر جمہوریہ نے کہا کہ پائیدار بنیاد پر سائیکل کے استعمال کو فروغ دینے کی مہم شروع کرنی چاہیے اور سائیکل کی سواری کے عالمی سائیکل دن پر صرف خانہ پری کے لئے نہ ہو، بلکہ اس کے استعمال میں اضافےکے لئےہر سطح پر کوشش ہونی چاہئے۔ سائنس و ٹکنالوجی ، ماحولیات و جنگلات اور ماحولیاتی تبدیلی کے مرکزی وزیر ڈاکٹر ہرش وردھن اور دوسری شخصیات بھی اس موقع پر موجود تھیں۔
بڑھتی ہوئی آلودگی کی سطح کا ذکر کرتے ہوئے نائب صدر جمہوریہ نے کہا کہ دنیا کے بہت سے شہر آلودگی اور گاڑیوں سے نکلنے والی گیسوں کے باعث واقعتاً چمنی میں بدل گئے ہیں۔ سائیکل کو فروغ دینے کا وقت آ گیا ہے اور اس کے لئے تمام بڑے شہروں میں سائیکل کے لئے علیحدہ ٹریک تیار کیا جانا چاہئے۔
نائب صدر جمہوریہ نے کہا کہ عالمی یوم سائیکل کو محض علامتی ورزش کے طور پر نہیں دیکھنا چاہیے ۔ انہوں نے کہا کہ یہ دو اہم ترین مشکلات جیسے بڑھتی ہوئی ماحولیاتی آلودگی اور طرز زندگی سے متعلق بیماریوں کا حل پیش کرتا ہے ۔ سائیکل چلانے سے صحت سے متعلق منفی نتائج کو کم کرنے بہت مدد ملتی ہے ۔ کیلوری زائل کرنے ، اعصاب کو مضبوط کرنے اور صحت مندی کو فروغ دینے کے علاوہ روزانہ سائیکل چلانے سے دورۂ قلب اور کینسر کے خطرات سے بھی بچا جا سکتا ہے ۔
نائب صدر جمہوریہ نے نئی دہلی میونسپل کارپوریشن کی طرف سے اسمارٹ سائیکل اسٹینڈقائم کیے جانے کی تعریف بھی کی اور کہا کہ اس طرح کی کوشش ملک کے تمام حصوں میں ہونی چاہئے۔
