نئی لّی: صدرِ جمہوریۂ ہند جناب رام ناتھ کووند نے دُرگا پوجا سے قبل ہم وطنوں کو مبارکباد دی ہے ۔
صدرِ جمہوریہ نے ایک پیغام میں کہا ہے کہ دُرگا پوجا کے مقدس موقع پر ، میں بھارت اور بیرونی ملکوں میں اپنے ہم وطنوں کو مبارکباد اور نیک خواہشات پیش کرتا ہوں ۔
درگا پوجا کا قدیم تہوار پورے بھارت میں ، خاص طور پر بھارت کے مشرقی حصے میں 10 دن تک منایا جاتا ہے ۔ تہوار کے دوران عقیدت مند درگا ماتا کی قوت کی دیوی درگا ، عقل کی دیوی سرسوتی اور دولت کی دیوی لکشمی کے طور پر پوجا کرتے ہیں ۔ خواتین کا احترام ، جو ہماری روایات میں شامل ہے ، درگا پوجا کے تہوار میں پورے طور پر نظر آتا ہے ۔ اس موقع پر ہم سب کو خواتین یعنی ماترو شکتی کا احترام اور انہیں با اختیار بنانے کا پختہ عزم کرنا چاہیئے ۔
کہا جاتا ہے کہ ماں درگا نے برائی پر فتح حاصل کرنے کے لئے تمام بھگوانوں کی یکجا قوت کو استعمال کیا تھا ۔ اس سے ہمیں یہ پیغام ملتا ہے کہ مشکل کے وقت میں ہم اگر متحد ہوں تو کسی بھی بحران پر قابو پا سکتے ہیں ۔
