نئی دلّی ، جون ؍ صدر جمہوریہ ہند جناب پرنب مکھرجی نے آج 21 جون ، 2017 کو راشٹر پتی بھون میں یوگا کے تیسرے عالمی دن کے موقع پرعظیم یوگا مظاہرے کا افتتاح کیا ۔
اس موقع پر تقریر کرتے ہوئے صدر جمہوریہ ہند نے کہا کہ وزیر اعظم جناب نریندر مودی کی پہل پر اقوام متحدہ نے 21 جون کو یوگا کا عالمی دن قرار دیا ہے ۔ رواں سال یوگا کا تیسرا عالمی دن منایا جا رہا ہے ۔ انہوں نے کہا کہ یوگا ایک قدیم ہندوستانی عمل ہے اور یہ متعدد بیماریوں اور صحت سے متعلق خرابیوں کو دور کرنے میں انتہائی مفید ہے ۔ یہ جسمانی اور دماغی صحت اور چست درست رہنے کے لئے مجموعی طور پر ایک جامع وسیلہ ہے ۔ انہوں نے اس عظیم یوگا مظاہرے میں شرکت کرنے والوں کا استقبال کرتے ہوئے ان پرزور دیا کہ وہ صحت مند جسم اور چست درست ذہن کو بنائے رکھنے کے لئے ہر روز یوگا کریں صحت مند جسم خدا کا مسکن ہے ۔
