نئی دہلی ، صدر جمہوریہ ہند جناب رام ناتھ کووند نے آج راشٹر پتی بھون میں سردار ولبھ بھائی پٹیل کی سالگرہ کے موقع پر انہیں گلہائے عقیدت نذر کئے ۔ صدر جمہوریہ ، دیگر عہدیداروں اور عملے کے افراد نے راشٹر پتی بھون کے دربار ہال میں سردار ولبھ بھائی پٹیل کی تصویر پر گلہائے عقیدت نذر کئے ۔
اس سے پہلے صبح میں صدر جمہوریہ ہند نے نئی دلّی کے سردار پٹیل چوک کا دورہ کیا اور وہاں سردار ولبھ بھائی پٹیل کے مجسمے پر گلہائے عقیدت نذر کئے ۔ انہوں نے مغل گارڈن میں ایک پودا بھی لگایا ۔
