نئی دہلی: عام انتخابات کے تیسرے مرحلے کے تحت آسام میں 23 اپریل کو ووٹ ڈالے جائیں گے ۔ اس مرحلے کے تحت دھوبری، کوکرا جھار ، بارپیٹا اور گواہاٹی پر مشتمل 4 پارلیمانی حلقوں میں پولنگ ہو گی ۔ 4 لوک سبھا حلقوں کے لئے 54 امید وار انتخابی میدان میں ہیں ۔ اس مرحلے کے تحت کُل 7477062 رائے دہندگان اپنے حق رائے دہی کا استعمال کریں گے ۔ ان میں 3815335 مرد رائے دہندگان ، 3661570 خواتین رائے دہندگان اور 157 رائے دہندگان مخنث زمرے کے ہیں ۔
آسام میں تیسرے مرحلے کے تحت آسانی کے ساتھ انتخابات کرانے کے لئے 9557 پولنگ مراکز قائم کئے گئے ہیں ۔
