نئی دہلی۔؛ فروغ انسانی وسائل کی ترقی کے مرکزی وزیر جناب پرکاش جاوڈیکر کناڈا کے وینکوور میں 9 جولائی سے 13 جولائی، 2018 تک منعقد ہونے والے 17ویں عالمی سنسکرت کانفرنس کا افتتاح کریں گے۔
اس کانفرنس میں 500 سے زیادہ دانشوران اور 40 سے زائد ممالک کے وفود حصہ لیں گے اور مختلف موضوعات پر تحقیقی مقالہ پیش کر کے اپنی معلومات کا تبادلہ کریں گے۔ ویدک لٹریچر میں خواتین کی تعلیم اور تاریخ، سنسکرت میں بودھ دھرمکی مخطوطات، یوگ شالہ سے آگے میمانشا، یوکتی دیپیکا کا سانکھیا کے لیے ایک مقام بنانا، بھگوت پران کے تبصروں کا تعارف، گارگیاجیوتش پر تحقیق جیسے ایک درجن سے زائد موضوعات پر ایک خاص پینل کے ذریعہ مباحثے کیے جائیں گے۔
پانچ دنوں کے کانفرنس کے دوران مختلف موضوعات پر 500 سے زائد تحقیقی مقالےپیش کیے جانے کی توقع ہے۔ اس کانفرنس کا مقصد دنیا بھر میں لوگوں کے ذریعے زبان کو فروغ دینا، محفوظ کرنا اور عام کرنا شامل ہے۔ عالمی سنسکرت کانفرنس کا انعقاد دنیا بھر کے مختلف ممالک میں ہر تین سال میں ایک بار کیا جاتا ہے اور ہندوستان میں تین بار اس کا انعقاد کیا جا چکا ہے۔
وزیر موصوف کے علاوہ، 17ویں عالمی سنسکرت کانفرنس میں حصہ لینے والے ہندوستانی وفود میں 10 دانشوران اور دو افسران شا ل ہیں۔
