نئی دہلی، بیٹل ایکس ڈویژن کی سرپرستی میں سپاہیوں کی ایک ٹیم نے 3 ستمبر 2019 سے 15 ستمبر 2019 تک ویر ناریوں اور قریبی وارثوں سے رابطہ قائم کرنے کی سائیکل مہم کامیابی سے مکمل کرلی ہے۔ 927 کلو میٹر طویل اس مہم میں مارواڑ خطے کے اجمیر ، بھلواڑہ ، پالی ، جودھپور اور جیسلمیر اضلاع کے اندرونی علاقوں کا احاطہ کیا گیا۔ سپاہیوں کی اس ٹیم نے ویر ناریوں اور قریبی وارثوں کو جنگ اور سپاہیوں کی جسمانی معذوری سے متعلق ان کے حقوق کے بارے میں بیداری پیدا کرنے میں کامیابی حاصل کی۔
سائیکل مہم کی اس ٹیم نے بہت سے معذور سپاہیوں کے ساتھ بات چیت کی اور ان کے اہل خانہ کو مختلف قسم کے مالی فوائد اور اسکیموں کے بارے میں آگاہ کیا جن کے وہ حق دار ہوسکتے ہیں۔ مہم جوئی کی اس ٹیم نے شاہ پورہ بھلواڑہ میں 65 سابق فوجیوں اور 12 ویر ناریوں کے مسائل کو حل کیا ۔ انہوں نے دھوسالہ میں جنگ میں شہید ہونے والے سپاہیوں کے 14 قریبی وارثوں اور 22 سابق فوجیوں ، سوجاٹ میں جنگ میں شہید ہونے والے سپاہیو کے 5 قریبی وارثوں اور 12 سابق فوجیوں ، پالی میں جنگ میں شہید ہونے والے سپاہیوں کے 12 قریبی وارثوں اور 32 سابق فوجیوں ، سجارا میں جنگ میں شہید ہونے والے سپاہوں کے 18 قریبی وارثوں اور 56 سابق فوجیوں ، دائی جار میں جنگ میں شہید ہونے والے سپاہوں کے 8 قریبی وارثوں اور 38 سابق فوجیوں اور جیسلمیر کے کلاؤ میں 52 سابق فوجیوں کے مسائل کو حل کیا۔ اس مہم جو ٹیم نے بھلواڑہ ، پالی ، سوجاٹ، ڈانگیا واس اور چرائی میں اسکولی بچوں اور مقامی نوجوانوں کے ساتھ مفید گفتگو کی۔
اس مہم جوئی ٹیم کو میجر جنرل ٹی کے آئیچ نے 16 ستمبر 2019 کو جیسلمیر سے روانہ کیا تھا۔
