نئیدہلی؛ اندرا گاندھی نیشنل سینٹر فور دی آرٹس اڑان – دی سینٹر آف تھیئٹر آرٹ اینڈ چائلڈ ڈیولپمنٹ کے اشتراک سے 21 مئی سے 21 جون 2018 تک بچوں کی تھیئٹر اور شخصیت سے متعلق ترقی کا ورکشاپ منعقد کرے گا۔ اس ورکشاپ میں بچوں کو ان کے بنیادی ہنر اور تھیئٹر سے متعلق صلاحیت میں اضافہ کی تربیت دی جائے گی۔
یہ ورکشاپ شمالی دلی کے مدر ڈیوائن پبلک اسکول اور ماؤنٹ آبو پبلک اسکول آف روہنی میں منعقد کیا جائے گا۔ چھ سال سے 14 سال کے بچے اس ورکشاپ میں حصہ لے سکتے ہیں۔ مذکورہ ورکشاپ 21 مئی سے شروع ہو کر 21 جون تک جاری رہے گا۔ اس ورکشاپ کے اختتام پر دو ڈرامے اسٹیج کیے جائیں گے جن میں تربیت یافتہ بچے شرکت کریں گے۔
