نئی دہلی۔ اگست؛ پچھلے دو دنوں سے زبردست بارش کی وجہ سے ممبئی اور اس کے مضافات کے بہت سے حصوں میں پانی جمع ہونے کی وجہ سے زندگی کے معمولات میں خلل پڑا ہے۔محکمہ موسمیات کے مطابق اگلے 24 گھنٹوں کے دوران شہر اور اس کے مضافات میں کچھ جگہوں پر رُک رُک کر تیز سے بہت تیز بارش ہونے کا امکان ہے۔ این ڈی آر ایف کی تین ٹیمیں ، جو ممبئی میں پہلے ہی تعینات تھیں، انہیں فوری طور پر مزید ٹیمیں بھیج کر مستحکم کیا گیا ہے۔ بارش کی پیش گوئی کو ذہن میں رکھتے ہوئے این ڈی آ ر ایف کی ٹیموں کو پوری طرح چوکس رکھا گیا ہے اور یہ ٹیمیں پانی کی صورتحال پر قریبی نگاہ رکھے ہوئے ہیں۔
این ڈی آر ایف کی تمام بٹالین جگہوں پر اضافی ٹیموں کو تیار رکھا گیا ہے۔ تاکہ جہاں کہیں ضرورت ہو، وہاں انہیں تعینات کیا جاسکے۔
نئی دلی میں این ڈی آر ایف کا صدر دفتر ،صورتحال پر قریبی نظر رکھے ہوئے اور اس نے محکمہ موسمیات نیز دیگر ایجنسیوں کے ساتھ رابطہ قائم کر رکھا ہے۔
