نئی دہلی: جی ایس کونسل کے فیصلے کے مطابق، مختلف اشیاء اور ساز و سامان کے بین ریاستی نقل و حمل کے لئے ای وے بل نظام یکم اپریل 2018 سے نافذ العمل ہوگیا ہے۔ ای وے بل نظام 23 مئی 2018 تک آندھراپردیش، اروناچل پردیش، آسام، بہار، گجرات، ہریانہ، ہماچل پردیش، جھارکھنڈ، کرناٹک، کیرالہ، مدھیہ پردیش، میگھالیہ، ناگالینڈ، راجستھان، سکم، تلنگانہ، تری پورہ، اتراکھنڈ، اترپردیش اور مرکز کے زیر انتظام علاقے پڈوچیری میں مختلف اشیاء کی نقل و حمل اور ساز و سامان کی بین ریاستی نقل و حمل کے لئے لاگو ہوگیا ہے۔ ای وے بل 23 مئی 2018 تک بڑی کامیابی سے فراہم کئے جارہے ہیں اور 5 کروڑ 30 لاکھ ای وے بل کامیابی سے فراہم کرائے گئے ہیں، جن میں مختلف اشیاء کے بین ریاستی نقل و حمل کے 1 کروڑ 60 لاکھ ای وے بل شامل ہیں۔
مطلع کیا جاتا ہے کہ اشیاء کی بین ریاستی نقل و حمل کے لئے ای وے بل کا نظام 25 مئی 2018 سے درج ذیل ریاستوں / مرکز کے زیر انتظام علاقوں میں نافذ ہوجائے گا۔
- مہاراشٹر
- منی پور
- جزائر انڈمان اینڈ نیکوبار
- چنڈی گڑھ
- دادر اور نگر حویلی
- دمن اینڈ دیو
- لکشدیپ
