نئی دہلی،؍مئی ،وزیراعظم جناب نریندرمودی کی سربراہی میں اقتصادی امورسے متعلق کابینہ کمیٹی نے مہاراشٹر میں منماڑ-جلگاؤں کےدرمیان بجلی سے چلنے والی ریلوے کی تیسری لائن کی تعمیر کومنظوری دے دی ہے۔ منماڑ-جلگاؤں لائن کی کُل لمبائی 160کلومیٹر ہوگی۔ اس پروجیکٹ پر کُل 1035.16کروڑروپے کی تخمینہ لاگت آئے گی اور توقع ہے کہ اس پروجیکٹ کو
1198.92 کروڑروپے کی لاگت سے مکمل کر لیا جائےگا۔ پروجیکٹ کے اگلےپانچ سالوں میں مکمل ہوجانے کاامکان ہے۔ تیسری لائن کی تعمیر سے منماڑ-جلگاؤں روٹ پر مسافروں کی بڑھتی ہوئی تعداد اور مال ڈھلائی
میں کافی آسانی ہوگی اور ریلوے کی آمدنی میں اضافہ ہوگا۔مہاراشٹرکےجلگاؤں اور ناشک ضلع اس روٹ سے جڑجائیں گے۔
