نئیدہلی: ٹرانسپورٹ وشاہراہوں ، جہاز رانی ،آًبی وسائل ،ندیوں کے فروغ اور دریائے گنگا کی باز بحالی کے مرکزی وزیر جناب نتن گڈکری 28 جنوری کو راجستھان کے بیکانیر اور ناگور میں قومی شاہراہوں کی تعمیر کے چار منصوبوں کا افتتاح کریں گے ۔ ان منصوبوں میں بیکانیر کے تین اور ناگور کا ایک منصوبہ شامل ہے ۔
بیکانیر کے پہلے منصوبے میں رائےسنگھ نگر سے پوگل تک 162.46 کلومیٹر طویل قومی شاہراہ کو دولین کا بنائے جانے کے کام کا سنگ بنیاد رکھا جانا ہے ۔ یہ شاہراہ ای پی سی کے طریقے سے 687.07 کروڑروپے کی لاگت سے بھارت مالا کے تحت بنائی جارہی ہے ۔ جبکہ دوسرے منصوبے میں قومی شاہراہ نمبر 211 کے کھجووالا – پوگل اور پوگل – دنتوڑ – جگا سر – گوکل – گوڈو -رنجیت پورہ –چرن والا – نوکھ – باپ سیکشن کو چار لین کا بنایاجانا شامل ہے۔ یہ شاہراہ بھارت مالا کے تحت آئی آئی اے ایم کی بنیاد پر تعمیر کی جارہی ہے ۔ 895 کروڑروپے کی لاگت سے یہ 212.107 کلومیٹر طویل شاہراہ تعمیر کی جائے گی۔ بیکانیر کے تیسرے سڑک منصوبے میں قومی شاہراہ نمبر 15 کے بیکانیر – پھلودی سیکشن کو 4.2 لین کا بنایا جاناشامل ہے ۔ یہ شاہراہ این ایچ ڈی پی کے فیز -4 کے تحت بی اور ٹی کی بنیاد پر تعمیر کی جارہی ہے ۔ 159.3 کلومیٹر طویل یہ شاہرا ہ 844.48 کروڑروپے کی لاگت سے تعمیر کی جارہی ہے ۔
جناب نتن گڈکری ناگور میں قومی شاہراہ نمبر 65 کے سلاسر – ناگور سیکشن کو دو لین کا بنائے جانے کا افتتاح کریں گے ۔ یہ 119.594 کلومیٹر طویل شاہراہ آئی آئی ایم کی بنیاد پر 480کروڑروپے کی لاگت سے تعمیر کی جائے گی ۔
