نئی دہلی، مہاراشٹر کے نیل رائے کھیلو انڈیا گیمز کے تحت ڈاکٹر ایس پی ایم سوئمنگ پول کمپلیکس میں آج یہاں منعقدہ تیراکی مقابلے میں لگاتار بہترین کھیل کا مظاہرہ کر رہے ہیں ۔ انہوں نے لڑکوں کی 200 میٹر فری اسٹائل مقابلے کو سب سے تیز رفتار اور سب سے کم مدت میں پورا کیا ۔ انہوں نے 50 میٹر بٹر فلائی کو بھی کوالیفائی کیا ۔
نیل رائے ، 200 میٹر کے انفرادی میڈلے میں جونیئر نیشنل ریکارڈ قائم کرنے والے 100 میٹر بٹر فلائی میں نقرئی تمغہ حاصل کیا ۔ انہوں نے یہ مقابلہ اپنے مہاراشٹر کے ٹیم میٹ ویدانت باپنا ، جو کمر کی تکلیف سے جوجھ رہے تھے ، محض 9 سیکنڈ میں آگے تھے ۔
400 میٹر انفرادی میڈلے میں قومی ریکارڈ قائم کرنے والے مدھیہ پردیش کے ادویت پاگے نے اپنے پسندیدہ ایوینٹ میں سب سے تیز رفتار سے مقابلہ کوالیفائی کیا اور شام کے سیشن میں ایک اور مضبوط کار کردگی کے لئے تیار دکھائی دے رہے ہیں ۔
کرناٹک کی قومی ریکارڈ یافتہ سونی دلال ، جنہوں نے کھیلوں کے افتتاحی دن سونے کا تمغہ حاصل کیا تھا ، اب خواتین کے 100 میٹر بریسٹ اسٹروک فائنل مقابلے میں تمغہ حاصل کرنے کے بعد ایک اور تمغہ حاصل کرنے کے لئے پُر امید ہیں ۔ تاہم ان کی قریبی حریف عالیہ سنگھ سے طلائی تمغہ حاصل کرنے کی دوڑ میں سخت مقابلہ ہے ۔
خواتین کے 200 میٹر فری اسٹائل مقابلے میں کرناٹک کی خوشی دنیش اور دہلی کی آستھا چودھری مد مقابل ہیں ۔
