نئی دہلی، وزیر اعظم جناب نریندر مودی نے عوام کو اس بات کے لیے مبارک باد پیش کی ہے کہ وہ پہلی بار ڈی ڈی فری ڈش پر اپنی ریاست کے دوردرشن چینل دیکھ سکیں گے۔
وزیر اعظم نے کہا کہ ‘‘مجھے یہ جان کر خوشی ہوئی ہے کہ پرسار بھارتی نے ڈی ڈی فری ڈش کے ذریعے ہندوستان کے سیٹلائٹ فٹ پرنٹ پر 11 مزید ریاستی ڈی ڈی چینلوں کو شامل کیا ہے۔ ان میں شمال مشرقی ریاستوں کے لیے پانچ چینل شامل ہیں۔ علاقائی ثقافت کو مستحکم کرنے اور لوگوں کی خواہشات کو پورا کرنے میں یہ بہت مؤثر ہوں گے۔
چھتیس گڑھ، گوا، ہریانہ، ہماچل پردیش، جھارکھنڈ، منی پور، میگھالیہ، میزورم، ناگالینڈ، تری پورہ اور اتراکھنڈ کے عوام کو پہلی بار ڈی ڈی فری ڈش پر اپنے دور درشن چینل ملنے پر مبارک باد’’۔
